Unioni i Shoqatave Shqiptare të Gostivarit në Mërgim: “Të bashkohemi për zhvillimin e komunës, ta respektojmë vullnetin e qytetarëve”

Botuar nga Flaka 25 Tetor, 2025 21:19

Unioni i Shoqatave Shqiptare të Gostivarit në Mërgim ka reaguar pas përfundimit të zgjedhjeve lokale të 19 tetorit në komunën e Gostivarit, duke përgëzuar qytetarët për pjesëmarrjen dhe për zhvillimin e qetë e demokratik të procesit zgjedhor.

Në deklaratën e Unionit theksohet se çdo zhvillim në Gostivar është me rëndësi të veçantë për bashkëqytetarët, pavarësisht ku jetojnë, pasi lidhja me vendlindjen mbetet e përhershme.

“E vlerësojmë garën e kandidatëve shqiptarë për kryetar komune dhe i përgëzojmë për rezultatin e arritur. Këshilltarëve të rinj komunal u dëshirojmë shëndet dhe suksese në mandatin e tyre, me shpresë që bashkëpunimi dhe uniteti të jenë prioritet në të mirë të qytetarëve,” – thuhet në reagim.

Unioni nënvizon edhe nevojën që gjatë mandatit të ri të punohet për korrigjimin e “padrejtësisë” që ka sjellë uljen e numrit të këshilltarëve komunalë me tetë më pak se më parë.

Në vijim të deklaratës, theksohet rëndësia e Gostivarit si komunë strategjike jo vetëm për banorët e saj, por edhe për shqiptarët në të gjithë Maqedoninë e Veriut.

“Besimin për ta udhëhequr komunën e jep qytetari dhe askush tjetër. Prandaj, bëhuni bashkë dhe mos lejoni që të eksperimentohet me komunën nga jashtë Gostivarit,” – apelon Unioni.

Në fund, organizata i fton të gjitha palët politike dhe institucionale që të bashkëpunojnë në funksion të zhvillimit të komunës, pa humbur kohë e energji në përplasje të panevojshme.

“Për Gostivarin dhe gostivarasit, dëgjofshim vetëm të mira!” – përmbyllet deklarata e Unionit të Shoqatave Shqiptare të Gostivarit në Mërgim. Gazeta Flaka

Botuar nga Flaka 25 Tetor, 2025 21:19

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media. Shkrimet nga MGID, nuk janë në menaxhim të redaksisë.