Vlerësimi i Furkan Saliut për zgjedhjet në Kërçovë

Botuar nga Flaka 3 Nëntor, 2025 10:34

Gazetari Furkan Saliu ka komentuar zhvillimet e fundit politike në Kërçovë, duke e lidhur rezultatin e zgjedhjeve me pakënaqësinë e qytetarëve ndaj mënyrës së qeverisjes së deritanishme.

Sipas Saliut, një lider kombëtar nuk mund të marrë vendime për t’i kënaqur individët, pasi vendime të tilla zakonisht dëmtojnë organizimin politik dhe lënë pasoja në aspektin kombëtar. Ai kujton se “populli asnjëherë nuk gabon”.

Saliu thekson se më meritori për fitoren e Aleksandar Jovanovskit në Kërçovë është Fatmir Dehari, i cili, sipas tij, me mënyrën e qeverisjes së vet dhe të rrethit të tij, e kishte shndërruar Kërçovën në një pashallëk, ku “sulltani vendoste për gjithçka”.

“Kërçovarëve u erdhi në majë të hundës dhe këtë mllef e shprehën në kutitë e votimit, ashtu siç i ka hije një populli që e do lirinë dhe që gjithmonë ka luftuar kundër sistemeve represive”, ka thënë Saliu.

Ai paralajmëron se VMRO-DPMNE nuk duhet ta paraqesë këtë fitore si fitore etnike, sepse ajo nuk është e tillë. Jovanovski mori 11.682 vota në rrethin e parë dhe 14.205 në rrethin e dytë, ndërsa rreth 2.500 vota shtesë sipas Saliut janë “vota mllefi – vota të qytetarëve të ndershëm që nuk i kanë borxh askujt dhe nuk e durojnë shtypjen”.

Në përfundim, Saliu vlerëson se Kërçova do të jetë më mirë pa Fatmir Deharin dhe rrethin e tij, ndërsa mbetet të shihet çfarë do t’i sjellë qytetit kryetari i ri, Aleksandar Jovanovski. Gazeta Flaka

Botuar nga Flaka 3 Nëntor, 2025 10:34

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media.