Vonesa e pagesës së lejes së lindjes shqetëson shumë nëna

Botuar nga Flaka 23 Nëntor, 2025 16:28

Shumë nëna me foshnjat e tyre janë të shqetësuara pasi të ardhurat e vetme për t’i mbuluar shpenzimet e shtëpisë dhe të foshnjave po vonohen. Pagesa për lejen e lindjes, sipas dhjetëra nënave që kontaktuan Slloboden Peçat, nuk po u realizohet në kohë, një problem që përkeqësohet nga çmimet e larta të ushqimeve për foshnjat, pelena dhe produkte të tjera të nevojshme.

Një nënë shkruan në grupin Facebook “Pagesa e lejes së lindjes/Leja e zgjatur e lindjes”:

“Disa prej nesh morën pagesën e lejes së lindjes për muajin tetor. Por çdo muaj është e njëjta gjë, pagesa vonon dhe jo vetëm për lejen e lindjes, por edhe pagesa të tjera vonojnë me muaj të tërë. Është turp!”

Sipas përvojave të nënave, disa nuk kanë marrë pagesën as pas 50 ditësh. Një nënë tjetër tregon:

“Vetëm dy pagesat e para ishin në kohë, pastaj çdo muaj paguhej gjithnjë e më vonë. Në vend të 30 ditëve, e marrim pagesën në 37-40 ditë, gjë që nuk është e rregullt pasi shpenzimet i planifikojmë në bazë mujore.”

Disa nënë ankohen se ende presin gjysmën e pagesës për muajin shtator, duke shtuar se kjo situatë është veçanërisht shqetësuese për foshnjat:

“Kryesorja para për zgjedhjet ka, por ne do presim paratë e lejes së lindjes për të blerë pelena dhe qumësht. Është e tmerrshme kjo që po ndodh në këtë vend.”

Nga Fondi i Sigurimeve Shëndetësore (FSShM) theksuan se pagesat nuk bëhen njëherësh, por gjatë gjithë muajit, duke u bazuar në përllogaritjet e Njësive Rajonale të Fondit. Sipas tyre:

“Shumica e pagesave bëhen nga data 10 deri në 20 të muajit, por disa pagesa bëhen edhe deri në fund të muajit. Për muajin tetor 2025 janë përpunuar 6.268 lëndë të lejes së lindjes, me një shumë të përgjithshme prej 340 milionë denarësh.”

Kryeministri Hristijan Mickoski më 30 shtator ka theksuar rëndësinë e formimit të familjes dhe rritjes së natalitetit:

“Nëse duam të kemi një shtet, atëherë familja është përgjigja për këtë sfidë.”

Sipas të dhënave historike, në vitin 1950 Maqedonia ka pasur mbi 50 mijë foshnje të porsalindura, ndërsa në vitin 2024 numri pritet të jetë vetëm 16 mijë. Portalb

Botuar nga Flaka 23 Nëntor, 2025 16:28

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media.