Azir Aliu nuk do të jetë më ministër i Shëndetësisë?

Botuar nga Flaka 26 Nëntor, 2025 16:29 Përditësuar

Bekim Sali propozohet për zv.kryeministër i parë dhe ministër për Eurointegrime, Muhamed Hoxha për ministër të Mjedisit Jetësor, Orhan Murtezani për ambasador në Bruksel, ndërsa Bashkim Bakiu për ministër të ri të Shëndetësisë, në vend të Azir Aliut, i cili pritet të emërohet drejtor i Agjencisë për Komunikime Elektronike.

Kjo është oferta e lëvizjes VLEN drejtuar kryeministrit Hristijan Mickoski për plotësimin e vendeve të lëna bosh në Qeveri pas zgjedhjeve lokale, pasi Izet Mexhiti u bë kryetar i komunës së Çairit, shkruan Sloboden Peçat.

Sipas gazetës, nëse kryeministri i konfirmon këto emra, pritet që deri në fund të javës propozimet për ministrat e rinj të procedohen në Kuvend.

Kryeministri Mickoski tha se të hënën do të dorëzohen emrat, pasi të merret vendimi përfundimtar.

Nga VLEN thonë se e sigurt është që Bekim Sali do të jetë zëvendëskryeministër, por i njëjti duhet të emërohet edhe ministër i ndonjë ministrie që me gjasa do të jetë ajo për integrime. Ministër i ambientit tashmë flitet se do të jetë Muhamet Hoxha, ndërsa pritet të vendoset edhe për Orhan Murtezanin. Gjithashtu mësohet se nëse Aliut i merret shëndetësia, VLEN po mendon atë ta emërojë drejtor në Agjencinë për Komunikime Elektronike.

“Ajo që e dimë është se Bekim Sali do të jetë zëvendëskryeministër, kjo është fikse sesi do të rregullohet kjo pra është problem dhe mendoj se është për t’u diskutuar sepse janë disa vende vakante në fakt që duhet plotësuar, është ministria e mjedisit, është vend vakant që duhet plotësuar, por këto janë bisedime që i bëjnë liderët pjesëmarrës në qeveri bashkë me kryeministrin Mickoski”, deklaroi Bekim Qoku, VLEN .

Botuar nga Flaka 26 Nëntor, 2025 16:29 Përditësuar

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media.