“Safe City”: Kamerat ua shtynë frikën në palcë vozitësve – reduktohen shkeljet në komunikacion

Sistemi “Qytet i Sigurt” regjistroi 110 mijë shkelje në periudhën e parë të testimit për 24 orë më 1 dhjetor, ndërsa sipas informacioneve nga MPB-ja, më 2 dhjetor u regjistruan gjithsej 50.652 shkelje, që paraqet përgjysmim të numrit të shkeljeve të regjistruara. Nga këto, 48.861 janë shkelje për shpejtësi, 1.366 për semaforë të kuq dhe 425 për automjete të paregjistruara.

“Qyteti i Sigurt” për 12 orë gjatë ditës së djeshme regjistroi gjithsej 22.600 shkelje të reja, nga të cilat pothuajse 95 për qind ose 21.400 ishin për drejtim të automjetit me shpejtësi më të lartë se shpejtësia e lejuar. Më së shumti, 4.300 shkelje për vozitje të shpejtë janë regjistruar në dalje nga Shkupi për në Tetovë, si dhe në bulevardin “Nikolla Karev” – 3.000 shkelje. Shpejtësia më e lartë për të cilën është regjistruar shkelje në periudhën e testimit është 209 kilometra në orë.

Nga MPB-ja informojnë se kamerat nga sistemi “Qytet i sigurt” i regjistrojnë vetëm ato automjete që kanë kryer shkelje të rregullave të trafikur, por jo edhe numrin e përgjithshëm të automjeteve që kanë qarkulluar në rrugët e qytetit gjatë periudhës së testimit.

Në pyetjen e MIA-s nëse sistemi ka identifikuar “pika të nxehta” në të cilat janë regjistruar më së shumti shkelje për vozitje të shpejtë ose kalim në semafor të kuq, nga MPB-ja thonë se vozitje më të shpejtë ka në daljen nga Shkupi për në Tetovë dhe në bulevardin Nikolla Karev, ndërsa më shumë për kalim në semaorf të kuq janë regjistruar në udhëkryqin e rrugës “Cvetan Dimov” dhe rrugën “Xhon Kenedi”.

“Sistemi ‘Qytet i sigurt” në periudhën nga ora 00:00 deri në orën 12:00 të datës 02.12.2025 ka regjistruar më së shumti shkelje për vozitje më shpejtësi më të lartë se shpejtësia e lejuar në dalje nga Shkupi drejt Tetovës ku janë regjistruar 4.300 shkelje si dhe në bulevardin ‘Nikolla Karev’ ku janë regjistruar 3.000 shkelje për vozitje me shpejtësi më të madhe se shpejtësia e lejuar. Ndërsa për kalim në semafor të kuq janë regjistruar më së shumti shkelje në rr. ‘Cvetan Dimov’ dhe rr. ‘Xhon Kenedi’ – 45 shkelje”, qëndron në përgjigjen nga MPB-ja.

Ndryshe, kamerat në Shkup më 1 dhjetor regjistruan rreth 110.000 shkelje të trafikut në 24 orë. Ministri i Brendshëm, Pançe Toshkovski, tha se shumica e tyre lidheshin me shpejtësi të lartë. Ministri tha gjithashtu se rregullat do të zbatohen për të gjithë, madje edhe për zyrtarët, dhe askush nuk do të kursehet nëse kryen një shkelje. Ai tha gjithashtu se sistemi “Qyteti i Sigurt” ka dobësi dhe se ata mbeten të hapur për çdo zgjidhje që do të kontribuonte në uljen e numrit të viktimave të trafikut.

Nga MPB-ja, gjithashtu, informojnë se shpejtësia më e ulët për të cilën është regjistruar gjobë gjatë periudhës së testimit është 51 km, ndërsa shpejtësia më e lartë për të cilën është regjistruar shkelje është 209 km në orë.

Kamerat “Qytet i Sigurt” të instaluara në udhëkryqet e Shkupit do të regjistrojnë automatikisht shkeljet e trafikut duke filluar nga sot, 1 dhjetor. Ministria e Brendshme po lançon sistemin “Qytet i Sigurt, Shtet i Sigurt”. Periudha provuese do të zgjasë deri në Vitin e Ri, ndërsa gjobat e para duhet të mbërrijnë më 1 janar.

Nëse kamerat do t’i sjellin shoferët në vete, do të shihet në javët e para të sistemit, i cilido të fillojë të regjistrojë dhe paralajmërojë nga nesër, dhe duke filluar nga viti i ri, do të ndëshkojë edhe ata.

Synimi është që deri në vitin 2030 të zvogëlohet dhe të përgjysmohet numri i aksidenteve në trafik.

Zbatimi i projektit “Qyteti i sigurt”, i cili në fazën e parë, përveç në Shkup, do të zbatohet edhe në Tetovë dhe Kumanovë.

Shefja e Sektorit për punë të komunikacionit në MPB, znj. Maja Arsovska-Manov, njoftoi se sistemi “Safe City” tashmë funksionon në gjithë territorin e Qytetit të Shkupit dhe shumë shpejt do të zgjerohet edhe në tjera qytete.

“Është aktivizuar sistemi elektronik për detektimin e shkeljeve në komunikacion. Deri në fund të muajit planifikojmë që i njëjti sistem të vihet në funksion edhe në Kumanovë dhe Tetovë, ndërsa nga viti i ardhshëm do të implementohet në gjithë territorin e shtetit”, deklaroi Arsovska-Manov.

Ajo shtoi se për momentin nuk ka statistika të plota, pasi çdo ditë arrijnë paraqitje nga qytetarët dhe ekipet dalin menjëherë për të rregulluar defektet e kamerave.

“Është ende herët të kalkulojmë. Duhet kohë që të kemi analiza të sakta dhe të shohim efektet e sistemit”, theksoi Arsovska-Manov. Gazeta Flaka