Arrestohet personi që ndërhyri me dhunë në redaksinë e “Infomaks” gjatë transmetimit live

Botuar nga Flaka 11 Dhjetor, 2025 10:36

Policia ka arrestuar personin G.S. (43) nga Shkupi, i cili mbrëmjen e djeshme hyri me forcë në redaksinë e portalit “Infomaks” gjatë transmetimit të një emisioni live, trasmeton Gazeta Flaka

Sipas njoftimit zyrtar të MPB-së, arrestimi është kryer menjëherë pas marrjes së denoncimit më 10.12.2025, në orën 23:45, nga gazetari A.M., i cili ka raportuar në SPB Shkup se një person kishte hyrë me dhunë në objektin e redaksisë, të vendosur në rrugën “Vostaniçka”, duke dëmtuar dy dyer dhe duke penguar transmetimin e emisionit, në të cilin i ftuar ishte ish-kryetari i komunës S.J., ndërsa në studio ishin të pranishëm edhe moderatori M.M. dhe kameramani.

Më vonë, nga policia është konstatuar se bëhet fjalë për një person me probleme shëndetësore, i cili edhe më herët kishte qenë i shoqëruar në Spitalin Psikiatrik të Bardovcëve.

MPB njofton se, pas dokumentimit të plotë të rastit, ndaj G.S. do të ngritet padi penale me procedurë të shpejtë.

Në njoftimin e saj, Ministria e Brendshme thekson:

“MPB edhe në të ardhmen do të sanksionojë shpejt dhe pa selektim çdo rast të sulmeve ndaj gazetarëve apo çdo shkelje tjetër të rendit dhe qetësisë publike, dhe ndaj autorëve do të ngriten padi përkatëse.”

Rasti ka ngjallur reagime të gjera në opinion, duke rikthyer në fokus çështjen e sigurisë së gazetarëve dhe të redaksive mediatike.

Lexo edhe:

Botuar nga Flaka 11 Dhjetor, 2025 10:36

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media.