BDI reagon ndaj sulmit që ndodhi në redaksinë e portalit “Infomax”

Botuar nga Flaka 11 Dhjetor, 2025 16:32

Bashkimi Demokratik për Integrim shpreh shqetësimin e thellë dhe dënon incidentin e dhunshëm që ndodhi në redaksinë e portalit “Infomax”, ku një person i panjohur ndërhyri gjatë transmetimit të drejtpërdrejtë. Veprime të tilla cenojnë rëndë atmosferën demokratike të vendit dhe minojnë përpjekjet kolektive për ndërtimin e një shoqërie të hapur dhe të përgjegjshme.

Si parti që orientimin e ka te vlerat dhe standardet evropiane, BDI thekson se siguria e gazetarëve dhe pavarësia e mediave janë shtylla të çdo demokracie funksionale. Çdo tentim frikësimi, presioni apo dhune ndaj mediave është i papranueshëm dhe duhet të trajtohet me prioritet të lartë nga institucionet përkatëse.

Kërkojmë nga organet përgjegjëse që të ndërmarrin masa të shpejta dhe të paanshme për zbardhjen e plotë të rastit dhe për sigurimin e kushteve të qeta të punës për gjithë komunitetin mediatik. Vetëm përmes mbrojtjes së lirisë së shprehjes dhe garantimit të rendit demokratik mund të ecim përpara drejt standardeve që synojmë si vend.

BDI mbetet e përkushtuar ndaj ruajtjes së një ambienti politik dhe shoqëror të qetë, të përgjegjshëm dhe në përputhje me praktikat më të mira evropiane.

Botuar nga Flaka 11 Dhjetor, 2025 16:32

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media.