Ish-Avokati i Shtetit Fehmi Stafa dyshohet për 50 mijë euro ryshfet për ndikim te gjyqtari

Botuar nga Flaka 14 Dhjetor, 2025 22:33 Përditësuar

Lexime: 6 85

Ministria e Punëve të Brendshme ka zbardhur detaje të rënda lidhur me arrestimin e ish-Avokatit të Shtetit, Fehmi Stafa, i cili dyshohet për mitmarrje dhe tentativë për të ndikuar drejtpërdrejt në një gjyqtar të Gjykatës së Apelit në Shkup.

Sipas komunikatës zyrtare të MPB-së, veprimet e dyshuara janë zhvilluar në periudhën nga tetori deri më 13 dhjetor 2025, gjatë së cilës Stafa ka pranuar një shumë totale prej 50.000 eurosh për të ndërmjetësuar dhe shfrytëzuar ndikimin e tij real në sistemin e drejtësisë.

“I dyshuari ka pranuar mjete financiare për të ndërmjetësuar dhe për të shfrytëzuar ndikimin e tij real, me qëllim që të ndërhyjë te një gjyqtar i Gjykatës së Apelit në Shkup dhe, përmes ryshfetit ndaj gjyqtarit, të ndikojë në kryerjen e një veprimi zyrtar që nuk do të duhej të kryhej”, thuhet në njoftimin e MPB-së.

53
SONDAZHI NË FLAKA
A mendoni nëse Maqedonia e Veriut po shkon rrugës së mbarë?

Sipas policisë, Stafa fillimisht ka kërkuar 100.000 euro, me premtimin se do të ndikonte në heqjen e masës së paraburgimit ndaj një personi që aktualisht ndodhet në arrati dhe është i pakapshëm për organet e ndjekjes penale. Bëhet fjalë për një person kundër të cilit Prokuroria Themelore Publike për Ndjekjen e Krimit të Organizuar dhe Korrupsionit po zhvillon procedurë penale për vepra të rënda që lidhen me financat publike, qarkullimin pagesor dhe ekonominë.

“Më 06.10.2025, i dyshuari ka pranuar një pjesë të shumës së kërkuar, konkretisht 30.000 euro, të dorëzuara nga motra e personit në arrati”, njofton MPB-ja.

Kulmi i rastit ka ndodhur më 13 dhjetor 2025, kur Stafa ka kërkuar dhe ka pranuar drejtpërdrejt edhe 20.000 euro të tjera, si pjesë e ryshfetit që kishte deklaruar se do t’ia dorëzonte gjyqtarit.

“Pas pranimit të parave, i dyshuari është ndaluar dhe gjatë kontrollit tek ai janë gjetur mjetet financiare”, theksohet në komunikatë.

Rasti ka hapur një tjetër kapitull të errët për sistemin e drejtësisë në Maqedoninë e Veriut, ndërsa autoritetet paralajmërojnë vazhdimin e hetimeve për zbardhjen e plotë të kësaj afere që trondit besimin publik në institucionet shtetërore. Gazeta Flaka

Botuar nga Flaka 14 Dhjetor, 2025 22:33 Përditësuar

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media. Shkrimet nga MGID, nuk janë në menaxhim të redaksisë.