Ndalet importi i mishit të pulës nga Brazili për arsye sigurie

Botuar nga Flaka 14 Dhjetor, 2025 12:18 Përditësuar

Lexime: 6 108

Agjencia për Ushqim dhe Veterinari (AUV) njofton se në vendkalimin kufitar Qafë Thanë, inspektorët e saj kanë ndaluar importin e mbi 26 tonë mish pule të ngrirë pa kockë, me origjinë nga Brazili.

Sipas njoftimit zyrtar, ndalimi është vendosur për shkak të mosplotësimit të kushteve për import. Bëhet fjalë për një dërgesë me gjithsej 2.167 paketime, secila me nga 12 kilogramë mish pule të ngrirë. Pas nxjerrjes së Vendimit për ndalim importi nga veterinerët zyrtarë të AUV-së, dërgesa është kthyer në vendin eksportues – Brazil.

Nga AUV sqarojnë se ndalimi i importit është në përputhje me vendimin ekzistues për ndalim të importit të kafshëve të gjalla, produkteve dhe nënprodukteve me origjinë shtazore nga Brazili, me qëllim parandalimin e futjes në vend të virusit të gripit aviar me patogjenitet të lartë (gripi i shpendëve).

“Sipas këtij vendimi, ndalohet importi i dërgesave që rrjedhin nga kafshë të therura, të ngarkuara dhe të certifikuara para datës 1 gusht 2025”, thuhet në komunikatën e Agjencisë për Ushqim dhe Veterinari.

AUV thekson se kontrollet kufitare do të vazhdojnë me intensitet të shtuar, me qëllim garantimin e sigurisë ushqimore dhe mbrojtjen e shëndetit publik. Gazeta Flaka

Botuar nga Flaka 14 Dhjetor, 2025 12:18 Përditësuar

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media. Shkrimet nga MGID, nuk janë në menaxhim të redaksisë.