Remitancat në rënie për Maqedoninë: Mërgimtarët dërguan 310 milionë euro, vetëm 2% e PBB-së

Botuar nga Flaka 16 Dhjetor, 2025 12:25

Mërgimtarët nga Maqedonia e Veriut gjatë vitit të kaluar kanë dërguar gjithsej 310 milionë euro remitanca, që përbëjnë rreth 2 për qind të Prodhimit të Brendshëm Bruto (PBB). Edhe pse bilanci i transfertave personale mbetet suficitar, të dhënat tregojnë se në shifra absolute remitancat kanë shënuar rënie krahasuar me vitet paraprake – 319 milionë euro në vitin 2023 dhe 331 milionë euro në vitin 2022.

Në krahasim me vendet e rajonit, diaspora e Serbisë kryeson për nga vlera e remitancave, duke dërguar 4,47 miliardë euro gjatë vitit të kaluar. Pas saj renditen Bosnja dhe Hercegovina me 1,99 miliardë euro, Kosova me 1,32 miliardë, Shqipëria me 1,28 miliardë euro, ndërsa Mali i Zi me 345 milionë euro.

Të dhënat e Eurostat tregojnë se në vitin 2024, nëntë vende të Bashkimit Evropian kanë regjistruar suficit në transfertat personale. Ndër to janë Kroacia, me 2,6% të PBB-së, Bullgaria me 1,3% dhe Portugalia me 1,2%. Në anën tjetër, Malta (-2,8%), Qiproja (-0,9%), Belgjika (-0,6%), si dhe Greqia, Spanja dhe Franca (secila me -0,5%) kanë shënuar deficite më të theksuara të transfertave personale si pjesë e PBB-së së tyre.

Sa i përket flukseve totale, transferet personale të parave të dërguara nga banorët e BE-së drejt personave që nuk janë banorë të BE-së kanë arritur 52,1 miliardë euro në vitin e kaluar, që paraqet rritje prej 6% krahasuar me vitin 2023, kur kjo shifër ishte 49,2 miliardë euro. Ndërkohë, fluksi i transfertave personale drejt amvisërive të banorëve të BE-së ka arritur 14,8 miliardë euro, ose 7% më shumë se një vit më parë.

Në pesë vitet e fundit është shënuar një rritje e ndjeshme e fluksit të transfertave personale në BE, me rritje prej 51%, ndërsa qarkullimi është rritur më ngadalë, për rreth 26%. Si pasojë, bilanci negativ i BE-së në raport me vendet jashtë unionit është zgjeruar, duke arritur në 37,3 miliardë euro në vitin 2024.

Botuar nga Flaka 16 Dhjetor, 2025 12:25

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media. Shkrimet nga MGID, nuk janë në menaxhim të redaksisë.