Dhimbjet e stomakut? Ja disa kura popullore që mund t’ju ndihmojnë

Botuar nga Drin Zenku 16 Shkurt, 2026 20:11

Sëmundjet e stomakut janë ndër problemet më të shpeshta shëndetësore që prekin një numër të madh njerëzish. Stomaku, i vendosur në pjesën e sipërme të barkut nën brinjë dhe diafragmë, luan rol kyç në tretjen e ushqimit dhe mund të preket nga një sërë çrregullimesh si gastriti akut dhe kronik, ulcera apo hiperacidet.

Çfarë është gastriti dhe si shkaktohet?

Gastriti akut shfaqet kur cipa e stomakut pezmatohet si pasojë e infeksioneve, ushqimeve të prishura, substancave kimike apo mungesës së higjienës. Faktorët kryesorë mbeten mënyra e ushqyerjes: ngrënia e tepruar, ushqimet shumë të nxehta apo të ftohta, alkooli, duhani, kafeja dhe ushqimet e rënda.

Simptomat përfshijnë:

Dhimbje në pjesën e sipërme të barkut
Djegie dhe thartirë në stomak
Të vjella
Dobësi trupore

Gastriti kronik zhvillohet kur pezmatimi zgjat për një kohë të gjatë dhe shpesh lidhet me zakone të gabuara ushqimore. Ndërsa ulcera e stomakut krijohet kur në cipën e stomakut ose në duoden formohen plagë të vogla si pasojë e inflamacionit të zgjatur.

Disa kura popullore për stomakun

Këto metoda bazohen në mjekësinë popullore dhe nuk zëvendësojnë konsultën me mjekun.

Djathë dhe qumësht

Për ulcerën rekomandohet përzierja e 1 kg djathë të ri pa kripë me 1 kg qumësht të zier e të ftohur derisa të krijohet një masë kremoze. Konsumohet nga një lugë gjelle para çdo vakti.

Nenexhik

Një lugë çaji nenexhik i copëtuar vendoset mbi një leukoplast dhe ngjitet mbi kërthizë për disa orë për lehtësimin e dhimbjeve të barkut.

Lëngu i lakrës turshi

Rekomandohet të pihet nga një lugë gjelle çdo dy orë për 1-2 muaj. Gjatë kësaj kohe duhet shmangur alkooli dhe duhani.

Panxhari i kuq

Përzierje me nga 50 gram lëng panxhari, lëng patateje dhe lëng boronice, e lënë për 7 ditë, përdoret për gastrite dhe hiperacide.

Përzierje bimësh

Rrënjë çikoreje, fruta dëllinje, gjethe hithre dhe pelin zihen për 15 minuta dhe konsumohen dy herë në ditë.

Lule basani

3-4 lule basani zihen në 2 litra ujë për 20-30 minuta. Çaji pihet 1-2 gota në ditë.

Kur duhet të konsultoheni me mjekun?

Nëse simptomat zgjasin, përkeqësohen, shfaqet gjakderdhje apo dhimbje e fortë, është e domosdoshme konsultimi me mjekun specialist. Vetëm diagnostikimi profesional mund të përcaktojë trajtimin e duhur.

Flaka

Botuar nga Drin Zenku 16 Shkurt, 2026 20:11

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media. Shkrimet nga MGID, nuk janë në menaxhim të redaksisë.