“Dikush në vjersha për Titon, dikush duke mbrojtur gjuhën” – mesazhi i Selmanit

Analistja Nafie Selmani ka ndarë një rrëfim personal nga fundi i viteve ’80, duke e lidhur me zhvillimet aktuale politike dhe me emrin e kryetarit të Tetovës, Bilall Kasami.

“Ishin vitet 87/88, kur pas një represioni politik, toponimet në gjuhën shqipe i kthyen në maqedonisht. Isha në klasën e shtatë dhe për shkak se e kundërshtoja mësuesen e Historisë që Shkupit t’i thosha ‘Skopje’, apo Kërçovës ‘Kiçevo’, ajo më dërgoi për ‘disiplinim’ te pedagogu i shkollës”, shkruan Selmani.

Ajo tregon se rasti i saj ishte cilësuar si “problematik” dhe “i rrezikshëm” politikisht për kohën, por shton se si nxënëse e shkëlqyer gjeti mirëkuptim nga disa arsimtarë. “Mësuesja e mirë Mejremja arriti të më bind si të veproja. E dëgjova!”, thekson ajo.

Në reagimin e saj, Selmani përmend edhe klimën e asaj periudhe në rajon: “Ishte kjo periudhë kur në Kosovë helmoheshin fëmijët dhe rriheshin studentët.”

Më tej, ajo e krahason përvojën e saj me një informacion që, sipas saj, lidhet me vitin 1988 dhe me Bilall Kasamin. “Ndërsa sot e kuptova se njëri nga kryetarët e VLEN-it, z. Bilall Kasami, pikërisht në atë periudhë 1988, paskësh shkruar vjersha post mortum për Titon, duke ia kujtuar trimëritë e rralla, dhe qenka shpërblyer me vendin e katërt”, shkruan Selmani.

Në fund, ajo ironizon: “Secili mund ta ketë nga ndonjë histori patriotike, varësisht se ku dhe si e ka shkrirë patriotizmin e vet, dikush në vjersha, dikush duke u përplasë me mësues për ta mbrojtur gjuhën dhe kulturën.” Gazeta Flaka

182

SONDAZHI

 Si e vlerësoni punën e ministrit Fatmir Limani?

Shumë mirë

Mirë

Aspak mirë

• 
• 
• 
• 
• 
• 
•