U konfirmua një takim që pati mes Filipçes dhe Ahmetit

Botuar nga Flaka 19 Janar, 2026 08:25

Një takim mes liderit të LSDM-së, Venko Filipçe, dhe kryetarit të BDI-së, Ali Ahmeti, është konfirmuar, megjithëse pa detaje zyrtare për përmbajtjen e bisedës, transmeton Gazeta Flaka

Sipas informacioneve jozyrtare të TV 24, takimi është zhvilluar në Reçicë të Vogël, me kërkesë të Filipçes, vetëm një ditë para takimit të liderëve më 14 janar, ku nikoqir ishte kryeministri Hristijan Mickoski. Filipçe mungoi në atë takim, ndërsa Ahmeti mori pjesë pas një vendimi të Këshillit të Përgjithshëm të BDI-së, i cili u mor disa orë pas takimit me liderin e LSDM-së.

Burime partiake nga BDI për TV 24 bëjnë të ditur se Filipçe i ka ofruar Ahmetit bashkëpunim në një “front opozitar evropian”, që do të kishte në fokus integrimin e vendit në Bashkimin Evropian. Zyrtarisht, BDI nuk e konfirmon dhe as nuk e mohon një ofertë të tillë.

Vetë Filipçe e ka pranuar se takimi ka ndodhur, por ka refuzuar të komentojë për përmbajtjen e tij.

“Takimi u mbajt, por nuk do të komentoj për detajet”, deklaroi ai shkurt.

Ky kontakt shihet edhe si përpjekje e Filipçes për të riparuar marrëdhëniet me BDI-në, të cilat u ftohën gjatë zgjedhjeve lokale, kur LSDM në disa raste joformalisht mbështeti koalicionin VLEN, ndërsa në zgjedhjet e përsëritura u rreshtua hapur pas kandidatit të Arben Taravarit.

Ideja për një front të përbashkët opozitar pro-evropian mes LSDM-së dhe BDI-së nuk është e re. Ajo ishte paralajmëruar edhe nga ish-kryeministri Dimitar Kovaçevski para zgjedhjeve të vitit 2024, por atëherë u refuzua nga Ahmeti, i cili zgjodhi të garojë i vetëm me një front të veçantë dhe me kandidat të vetin për president.

Takimi Filipçe–Ahmeti vjen në një moment kur rruga eurointegruese e Maqedonisë së Veriut mbetet e bllokuar. Viti 2025 u karakterizua nga stagnim i plotë, pa hapa konkretë drejt hapjes së kapitujve negociues, ndërsa çështja e BE-së u shndërrua në temë përplasjeje politike dhe jo projekt konsensual shtetëror.

Në këtë kontekst, çdo sinjal për ripozicionime politike rreth agjendës evropiane po shihet me interes, por edhe me skepticizëm. Gazeta Flaka

Botuar nga Flaka 19 Janar, 2026 08:25

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media. Shkrimet nga MGID, nuk janë në menaxhim të redaksisë.

U konfirmua një takim që pati mes Filipçes dhe Ahmetit

TË fundit

ZENKU

Thumbi sot

BALLKANI SOT

BOTA SOT

Ekonomia SOT

Inovacione Sot

Kuriozitetet Sot

Loading..

Loading, Please Wait!