Komunat koordinohen me KSHZ-në për zgjedhjet

Botuar nga Driton Zenku 5 Prill, 2024 18:52

Kryetari i Bashkësisë së Njësive të Vetëqeverisjes Lokale, Orce Gjorgjievski, ka pasur takim me kryetarin e Komisionit Shtetëror të Zgjedhjeve, Aleksandar Dashtevskin, dhe me antar të këtij organi. Gjatë takimit, nga komunat u kërkua përkrahja e duhur teknike dhe logjistike në procesin e realizimit të aktiviteteve zgjedhore.

Komunat janë të obliguara ligjërisht të ofrojnë hapësirë për realizimin e votimit, por u theksua se në vendvotime të caktuara nevojitet mbështetje dhe në sigurimin e mjeteve të caktuara teknike, si kompjuterë, printera etj. Nga KSHZ kanë njoftuar së tashmë janë përcaktuar të gjitha lokacionet, të cilat më së shumti janë të vendosura në hapsirat e shkollave, sallat e shkollave ose kopshtet. Më pas u theksua se janë kujdesur që ato të vendosen në pjesën përdhese të objekteve dhe të kenë akses të siguruar edhe për persona me nevoja të veçanta.

KSHZ

“Për mbarëvajtjen e zgjedhjeve nga aspekti teknik dhe për të mundësuar përmbushjen e të drejtës së votës, në mënyrë të barabartë për të gjithë qytetarët, u kërkua nga komunat që të kontrollojnë qasjet e tilla dhe nëse është e mundur të përmirësojnë cilësitë e tyre. Rëndësi të veçantë për KSHZ-në ka sigurimi i hapësirave përkatëse, ku materiali i nevojshëm zgjedhor do të depozitohet një ditë para zgjedhjeve”.

Kryetari i BNJVL-së, Orce Gjorgjievski, theksoi se zhvillimi i qetë i zgjedhjeve të drejta dhe demokratike duhet të jetë imperativ për çdo qytetar dhe se është një detyrim i përbashkët që ato të zhvillohen në mënyrë më të mirë.

Ai theksoi se Bashkësia e njësive të vetëqeverisjes lokale do të sigurojë që komunat t’i përgjigjen kërkesave të Komisionit Shtetërorë të Zgjedhjeve dhe menjëherë do të informohen për aktivitetet e nevojshme që duhen të sigurohet nga karakteri hapsinor, teknik dhe organizativ.

/SHENJA/

Botuar nga Driton Zenku 5 Prill, 2024 18:52

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media.