Llukarevska: LSDM është e përkushtuar për të ardhmen evropiane të vendit

Jemi të përkushtuar ndaj agjendës evropiane, ishim tepër të përkushtuar ndaj asaj që e përfunduam me sukses, që është që Maqedonia sot është anëtare e NATO-s dhe ky ishte fokusi ynë kryesor. Kemi qeverisur në një periudhë kur ka pasur shumë kriza dhe kemi treguar se dimë t’i menaxhojmë proceset edhe në një kohë të tillë krize, deklaroi nënkryetarja e LSDM-së dhe bartësja e listës në Njësinë e Tretë Zgjedhore , Sanja Llukarevska në intervistë për “Trilling”, përcjell FLAKA.

Llukarevska shtoi se askush nuk mund të thotë se nuk është bërë asgjë, por ka mundur të bëhet çdo herë më shumë dhe më mirë dhe në bazë të kësaj LSDM-ja po kërkon shansin që të vazhdojë atë vazhdimësi të politikave të zhvilluara ekonomike, të zhvillimit në disa segmente dhe luftë e padiskutueshme kundër krimit dhe korrupsionit.

“Për shtatë vjet ne punuam me mundim në disa procese dhe segmente, për shtatë vjet u bllokuam edhe për gjëra kyçe që duhej të shihnin dritën e ditës për të vazhduar në procese të caktuara, shtatë vite mund të jenë të mjaftueshme në një segment të caktuar për të bërë disa progresin dhe në pjesën e transparencës dhe lirive të medias dhe në pjesën e asaj se çfarë do të thotë zbutja e politikës penale, e cila më parë ishte represive, për të qenë parandaluese, ne kemi luftuar edhe kundër drejtësisë selektive, kemi luftuar edhe kundër faktit që organi i partisë nuk duhet të jetë këshill gjyqësor, kemi luftuar edhe që politikanët të mos jenë gjykatës, kemi luftuar çdo gjë që është e vërteta për Maqedoninë”, ka thënë Llukarevska.

Llukarevska theksoi se është përkushtuar për një fushatë të drejtë dhe pozitive, por nuk do të lejojë skualifikime nga kundërshtari politik, por do të luftojë vetëm me fakte, argumente dhe shifra për atë që ofron, që nesër qytetarët të votojnë për LSDM-në.

“Qytetarët nuk duan të na shohin vazhdimisht duke u grindur, duke sharë njëri-tjetrin, duke thënë të pavërteta për njëri-tjetrin, qytetarët duan të dëgjojnë se çfarë do të ofrojë LSDM-ja për një standard më të lartë jetese për qytetarët, çfarë do të ofrojë LSDM-ja për standardin e pensionistëve, të rinjtë, për promovimin e barazisë gjinore, qytetarët nuk i duan politikanët të cilët vetëm për të treguar epërsinë e tyre e nënçmojnë kundërshtarin”, theksoi Llukarevska. FLAKA