Shqipëria turistike/ 1.7 milionë turistë të huaj në 3 muajt e parë të 2024

Botuar nga Driton Zenku 8 Prill, 2024 19:16

Sezoni turistik i këtij viti premton të jetë frytëdhënës për ekonominë shqiptare. Sipas të dhënave zyrtare, në 3 muajt e parë të vitit 2024, Shqipëria është vizituar nga 1.7 milionë turistë të huaj.

Muaji Mars, në krahasim me të njëjtën periudhë të një viti më parë, ka 91% më shumë vizitorë të huaj.

Ministrja e Turizmit, Mirela Kumbaro, thotë se shifrave të larta të turistëve duhet t’u përgjigjemi me standard të lartë edhe në mikpritje e shërbime.

“Mbi 1,7 milionë turistë të huaj na kanë vizituar gjatë tre muajve të parë të vitit 2024, duke vendosur një rekord në shifrat e mikpritjes. 734 mijë vizitorë të huaj shijuan Shqipërinë gjatë muajit mars, ose 91% më shumë se marsi i vitit të kaluar, i cili sapo shenjoi një standard të ri në shifra e duhet t’i përgjigjemi me të njëjtin standard në mikpritje”, ka shkruar ministrja Kumbaro në rrjetet sociale.

Vitin e kaluar Shqipëria shënoi shifër rekord sa i përket turistëve të huaj, 10 milionë të tillë. Këtë vit, sipas pritshmërive të qeverisë, numri i turistëve pritet të shkojë në 14 milionë turistë.

Botuar nga Driton Zenku 8 Prill, 2024 19:16

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media.