Ish trajneri i Atletikos kërkoi falje publike për “fyerjet” ndaj Lamine Xhamal
Botuar nga Flaka
11 Prill, 2024 18:18
German ‘Mono’ Burgos ka kërkuar falje në Instagram për fjalët e tij të diskutueshme për Lamine Xhamal para fillimit të ndeshjes së Ligës së Kampionëve që Barcelona e fitoi me rezultat 3-2 në udhëtim ndaj Paris Sen Zhemenit.
Përpara nisjes së ndeshjes në “Parc des Princes”, Xhamal u shfaq në një segment të transmetuar nga rrjeti spanjoll “Movistar”, ku shihej duke zhongluar topin gjatë ngrohjes së Barcelonës. Ish-portieri dhe ndihmës-trajneri i Atletiko Madridit, German ‘Mono’ Burgos, ndezi polemika duke bërë komente raciste ndaj adoleshentit spanjoll.
“Nëse ai nuk do të ishte lojtar i mirë, vendi i tij do të ishte para semaforëve”, tha Burgos.
Komenti i Burgos bëri që PSZH dhe Barcelona të mos japin asnjë intervistë pas ndeshjes për “Movistar”, televizionin që ka të drejtën e Ligës së Kampionëve. Kjo ka bërë që Burgos të kërkoj falje për frazën e diskutueshme në lidhje me Lamine Xhamal.
“Unë e bëj këtë deklaratë duke përsëritur ndjesë për fjalët e mia në programin e djeshëm. Nuk ishte qëllimi im të dëmtoj Lamine Xhamal, njerëzit e FC Barcelona, lojtarët, UEFA, apo platformën Movistar Plus+ ku unë punoj. Kur bëra komentin zgjodha të bëj shaka për virtyte cilësore dhe lajkatare, në asnjë rast nuk bëhej fjalë për ndonjë etni apo klase shoqërore.
Pasi kalova kaq shumë vite në futboll, jam i emocionuar të shoh lojtarët e rinj. Unë e admiroj veçanërisht numrin e talenteve të rinj që Barça po nxjerr, sepse besoj se cilësia gjithmonë triumfon në fund. Unë jam një trajner pro kamerave dhe në të gjitha skuadrat që kam qenë kam qenë i shqetësuar për të sjellë të rinj në stërvitje me ekipin e parë. I kërkoj falje kujtdo që u ofendua nga komenti im. Synimi im nuk ishte të përçmoj Lamine Xhamal, përkundrazi.
Futbolli bashkon gjithçka dhe këdo, prandaj është sporti më i mire, pasi nuk diskriminon në bazë të seksit, racës, fesë, aftësisë së kufizuar, moshës apo orientimit seksual. Kjo është ajo që besoj! Shihemi në futboll!”, ka shkruar Burgos në letrën ku kërkoi falje.
Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.
Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media.
