SHBA: Maqedonia e Veriut ta mbajë frymën e Marrëveshjes së Prespës

Botuar nga Flaka 12 Prill, 2024 08:01

SHBA-të presin që Maqedonia e Veriut ta mbajë frymën e Marrëveshjes së Prespës, ndërsa diskursi publik të jetë i bazuar në fakte, thonë nga Departamenti Amerikan i Shtetit.

Para zgjedhjeve presidenciale dhe kuvendare në RMV, mediat në Greqi shkruajnë se Athina i ndjek nga afër deklaratat politike lidhur me Marrëveshjen e Prespës dhe përdorimin e emrit të Maqedonia e Veriut në fushatën zgjedhore nga kandidatët për president.

“Ashtu si Shtetet e Bashkuara mbeten të përkushtuara ndaj Marrëveshjes së Prespës, ne presim që Maqedonia e Veriut ta ruajë këtë frymë dhe diskursi publik të mbetet i bazuar në fakte dhe i rrënjosur në një angazhim për të ardhmen e Maqedonisë së Veriut në BE”, tha një zëdhënës i Departamentit të Shtetit kur u pyet nëse SHBA janë të shqetësuara për cenimin e mundshëm të Marrëveshjes së Prespës.

Presidenti amerikan Joe Biden nënshkroi një urdhër ekzekutiv në vitin 2021, i cili parashikonte ngrirjen e aseteve dhe ndalimin e hyrjes në SHBA të personave që punojnë kundër Marrëveshjes së Prespës dhe Marrëveshjes Kornizë të Ohrit.

“Ata që janë përgjegjës ose janë të përfshirë, drejtpërdrejt ose tërthorazi, në një shkelje ose në një veprim që pengon ose kërcënon zbatimin e çdo marrëveshjeje rajonale të sigurisë, paqes ose bashkëpunimit lidhur me Ballkanin Perëndimor, duke përfshirë Marrëveshjen e Prespës të vitit 2018, Marrëveshjes Kornizë të Ohrit e vitit 2001, përfshihen në urdhërin për ndalesë”, thuhet në urdhrin ekzekutiv të Biden.

Më pas Departamenti i Shtetit sqaroi se urdhri ekzekutiv nuk vlen vetëm për personat në vendet e Ballkanit Perëndimor që kërcënojnë Marrëveshjen e Prespës, por edhe në vende të tjera.

SHBA theksoi se inkurajon diskutime dhe debate të fuqishme midis qytetarëve globalisht dhe në Ballkanin Perëndimor dhe se qëllimi i urdhrit ekzekutiv nuk është të pengojë individët privatë të shprehin mendimet e tyre.

“Urdhri ekzekutiv i referohet procedurave që minojnë proceset demokratike, përpjekjet për të shkelur, penguar ose kërcënuar zbatimin e marrëveshjeve ndërkombëtare të paqes, pjesëmarrjen në abuzime serioze të të drejtave të njeriut ose korrupsionin, ndër aktivitete të tjera”, thanë nga Departamenti i Shtetit në atë kohë.

Pas urdhrit ekzekutiv të Bidenit, partia opozitare OBRM-PDUKM përmes një komunikate me shkrim tha se nuk ka marrë pjesë në negociatat dhe nxjerrjen e Marrëveshjes së Prespës në Kuvend dhe se e njëjta është në kundërshtim me interesat kombëtare maqedonase.

Marrëveshja e Prespës dhe zbatimi i saj përmenden në fushatën elektorale të opozitës maqedonase para zgjedhjeve presidenciale, të cilat do të mbahen më 24 prill.

Botuar nga Flaka 12 Prill, 2024 08:01

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media.