Dortmundi eliminon me stil Atletico Madridin për të kaluar në gjysmëfinale të Ligës së Kampionëve

Botuar nga Flaka 16 Prill, 2024 23:07

Dortmundi e ka eliminuar Atletico Madridin me rezultat të përgjithshëm 5-4, për të kaluar në gjysmëfinale të Ligë së Kampionëve.

Skuadra gjermane e nisi furishëm takimin, duke ditur se e kishin humbur takimin parë 2-1 në Spanjë.

Pas 34 minutash lojë, Julian Brandt realizoi për 1-0 pas një asistimin perfekt nga Matts Hummels.

Pesë minuta më vonë, Marcel Sabitzer e shërbeu për mrekulli Iaan Maatsen, që shënoi për 2-0.

Pjesa e dytë ishte edhe më dramatike, pasi u shënuan plotë katër gola.

Hummels realizoi auto-gol në minutën e 49-të, duke e bërë rezultatin 2-1.

Mysafirët nuk u ndalën me kaq dhe i barazuan shifrat në 2-2 me golin e Angel Correas (64’).

Por, Dortmundi mblodhi forcat dhe e riktheu epërsinë me golin e Niklas Fullkrug, që u asistua prej Marcel Sabitzer në minutën e 71-të.

Sabitzer ndryshoi rolin nga asistues në golashënues, kur realizoi pas vetëm tre minutash, duke e çuar rezultatin e përgjithshëm në 5-4, dhe në 4-2 për këtë ndeshje.

Dortmundi në gjysmëfinale do të përballet me Paris Saint-Germain, që eliminoi Barcelonë. /Telegrafi/

Botuar nga Flaka 16 Prill, 2024 23:07

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media.