Kontrata afër skadimit, Modric nuk ka vendosur ende për të ardhmen

Botuar nga Flaka 16 Prill, 2024 19:48

Luka Modric raportohet se ende nuk ka marrë një vendim për të ardhmen, pavarësisht faktit se kontrata e tij me Real Madridin skadon në verë, më 30 qershor.

Mesfushori veteran është “detyruar” të pranojë një rol të reduktuar këtë sezon, pasi nuk konsiderohet më si titullar i rregullt në skuadrën e Carlo Ancelottit.

Sipas gazetarit, Matteo Moretto, Modric nuk ka vendosur ende përfundimisht për të ardhmen, pasi atij i është ofruar nga klubi spanjoll edhe shansi të jetë pjesë e stafit të trajnerëve për sezonin e ardhshëm.

“Luka Modric nuk ka marrë ende një vendim 100%. Ka mundësi e ardhmja të jetë jashtë Evropës për Modricin. Ka pasur edhe ‘thirrje’ nga Dinamo Zagreb, por ai do të ketë mundësinë të largohet nga Evropa”, tha Moretto për “FootballEspana”.

“Siç e dimë, Carlo Ancelotti pyeti nëse do të ishte i interesuar të bashkohej me stafin e tij në janar. Modric është duke konsideruar rolin që mund të ketë sezonin e ardhshëm me Real Madridin. Tani për tani ai nuk po luan shumë, ai nuk e ka rolin që kishte më parë dhe po shqyrton se si mund të ndryshojë edhe kjo. Ai do ta mendojë këtë”, shtoi ai.

Dinamo Zagrebi nuk e ka fshehur dëshirën për të 38-vjeçari dhe së fundmi publikoi ‘një reklamë të plotë’ në një gazetë spanjolle, si një përpjekje për ta bindur atë të kthehet në vendlindje.

Reprezentuesi kroat me sa duket nuk ka në plan të pensionohet, kështu që qëndrimi në Real Madrid mund të mos jetë një opsion, por ka mundësi të ketë sërish interesim të madh nga Arabia Saudite për mesfushorin, siç ishte rasti verën e kaluar.

Botuar nga Flaka 16 Prill, 2024 19:48

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media.