“Shqipëria, me rritjen më të fortë në Europë” – Në 3-mujorin e parë, më shumë se dyfishi i turistëve sesa në 2019

Botuar nga Flaka 30 Maj, 2024 22:42

Shqipëria e ka nisur vitin 2024 me një rritje të konsiderueshme sa i përket mbërritjes së turistëve të huaj. Referuar raportit më të fundit të Barometrit Botëror të Turizmit, hartuar nga Zyra e OKB për Turizmin, vendi ynë cilësohet me rritjen më të fortë në Europë për 3-mujorin e parë të këtij viti. Ndërsa, krahasuar me të njëjtën periudhë të vitit 2019, rritja e turistëve të huaj është mëse dyfishuar, ose 129% më shumë. Rezultate të kënaqshme kanë regjistruar edhe Serbia me 43% më shumë turistë, apo Bullgaria me 38%.

Sipas të dhënave nga INSTAT në katër muajt e parë të vitit në Shqipëri hynë rreth 2,3 milionë vizitorë të huaj, ose 38% më shumë se viti paraardhës. Vetëm muaj prill regjistroi një fluks prej rreth 800 mijë shtetas të huaj, të cilët vizituan Shqipërinë. Ashtu sikurse ishte parashikuar ky vit ka nisur me këmbë të mbarë për turizmin dhe ekonominë e vendit në tërësi. Ndërsa viti që lamë pas u mbyll me rreth 10 milionë turistë, qeveria parashikon që në 2024 shifra e turistëve të huaj që vizitojnë Shqipërinë të arrijë në 14 milionë.

Duke u rikthyer në raportin e Barometrit Botëror, turizmi ndërkombëtar arriti në 97% të niveleve para pandemisë në tremujorin e parë të vitit 2024. Gjatë kësaj periudhe, në të gjithë botën udhëtuan rreth 285 milionë turistë. Sipas rajoneve, Lindja e Mesme regjistroi rritjen relative më të fortë, me 36% më shumë krahasuar me nivelet para pandemisë, ndërsa Evropa i tejkaloi nivelet para pandemisë për herë të parë në një tremujor me 1%.

Parashikimet pozitive do të vijojnë edhe për periudhën maj-gusht 2024, ndonëse nënvizohet se vështirësitë ekonomike dhe gjeopolitike vazhdojnë të paraqesin sfida të rëndësishme për rimëkëmbjen e plotë të turizmit ndërkombëtar dhe niveleve të besimit.

Botuar nga Flaka 30 Maj, 2024 22:42

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media.