Falënderimi i Rei Manajt për Europianin: Mrekulli që e përjetuam

Botuar nga Drin Zenku 26 Qershor, 2024 00:38

Rei Manaj më në fund ishte pjesë e një Europiani me fanellën e Shqipërisë.

Sulmuesi i cili nuk ishte pjesë e listës së De Biazit 8 vite më parë, këtë herë zbriti në fushë në të tre ndeshjet e kuqezinjve në Euro 2024, duke qenë titullar në dy prej tyre.

Edhe pse nuk tundi rrjetën dhe nuk ia doli të ndihmonte Shqipërinë për të kaluar grupin, nëpërmjet rrjeteve sociale ai ka dashur të falënderojë të gjithë për këto javë që ka përjetuar .

“Faleminderit të gjithë njerëzve që ishin pjesë e kësaj mrekullie që përjetuam dhe që personalisht, ëndërroja që kur isha fëmijë.

Shokë, staf, Federata Shqiptare dhe veçanërisht TIFOZË, ju falënderoj me shpirt!

Ju falënderoj për të gjithë sakrificat që keni bërë për të qenë në stadium, aty pranë nesh.

Faleminderit gjithashtu dhe të gjithë tifozëve që nuk patën biletë ose ishin larg, të cilët na mbështetën e na ndoqën nga shtëpia. Faleminderit për mirësjelljen dhe qytetarinë që treguat. Për koret, këngët dhe atmosferën që vetëm ju mund të krijonit, dhe për të cilën do mbahemi mënd.

Fatkeqësisht nuk e kaluam dot grupin pavarësisht se dëshira dhe ambicia ishin të mëdha, megjithatë, mendoj që fitorja më e madhe ishit ju, tifozët kuq e zi”, shkruante Manaj në postimin e tij.

Botuar nga Drin Zenku 26 Qershor, 2024 00:38

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media.