Koreja e Veriut hedh në erë pjesë të rrugëve në kufi me Jugun

Botuar nga Driton Zenku 15 Tetor, 2024 22:36

Koreja e Veriut i ka shkatërruar pjesë të rrugëve dhe linjave hekurudhore në pjesën e vet të kufirit me Korenë e Jugut të martën, duke e nxitur ushtrinë e Jugut të shtjerë në shenjë paralajmërimi.

Pheniani tha javën e kaluar se do t’i shkëpuste plotësisht rrugët dhe linjat hekurudhore ndërkoreane dhe se do t’i fortifikonte edhe më shumë zonat në pjesën e vet të kufirit.

Të martën rreth mesditës, disa pjesë veriore të rrugëve dhe linjave hekurudhore që e lidhin Veriun me Jugun u shkatërruan, tha Shtabi i Përgjithshëm i Koresë së Jugut.

Ministria e Unifikimit e Koresë së Jugut, e cila është përgjegjëse për çështjet kufitare, e dënoi këtë incident duke e cilësuar si shkelje të marrëveshjeve të kaluar mes dy Koreve.

“Është për të ardhur keq që Koreja e Veriut vazhdimisht po bën sjellje kaq të prapambetur”, tha zëdhënësi i kësaj Ministrie, Koo Byoung-sam.

Tensionet u rritën pasi Veriu e akuzoi javën e kaluar Seulin se po dërgon dronë mbi Phenian.

Koreja e Veriut tha se dronët shpërndanë “një numër të madh” fletushkash kundër Veriut. Kim Yo Jon, motra e liderit Kim Jong Un, paralajmëroi të martën se Seuli do të “paguajë shtrenjtë”.

Qeveria e Koresë së Jugut nuk ka treguar nëse ushtria e saj apo civilët kanë dërguar dronë në Phenian.

Si përgjigje ndaj shkatërrimit të pjesëve të rrugëve, ushtria e Koresë së Jugut shtiu me armë në jug të vijën së demarkacionit ushtarak, edhe pse nuk kishte dëme në pjesën kufitare të Jugut, tha Seuli.

Koreja e Jugut ka thënë se rrugët dhe linjat hekurudhore u ndërtuan me pajisje dhe materiale të saj në vlerë 132.9 milionë dollarë, të dhëna në formë huaje, dhe se Koreja e Veriut është e detyruar ta paguajë borxhin e huave.

Koreja e Veriut dhe Koreja e Jugut janë ende në luftë teknikisht, pasi lufta mes tyre e viteve 1950-1953 përfundoi me armëpushim, jo me marrëveshje paqeje.

Botuar nga Driton Zenku 15 Tetor, 2024 22:36

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media.