Mickoski: Nuk do të ndërtojmë derisa bullgarët të mbarojnë pjesën e tyre të tunelit

“Ne nuk do të ndërtojmë derisa bullgarët të mbarojnë tunelin e tyre, gjegjësisht gjysmën e tunelit të tyre dhe ato kilometra që mungojnë nga tuneli deri në lidhjen me hekurudhën nacionale të Bullgarisë”, tha në paraqitjen e tij kryetari i Qeverisë, Hristijan Mickoski në “Tema e ditës” në Ditarin të televizionit Sitel, duke iu përgjigjur në pyetjen se pse qëndrimi i Qeverisë tani është që të mos ndërtohet tuneli që duhet të lidhet me Bullgarinë, përcjell FLAKA.

Mickoski shtoi se derisa të kryhen obligimet në anën tjetër të kufirit, është e kotë të shpenzohen gjysmë miliardë euro për diçka që nuk do të funksionojë.

“Aktualisht buxheti për realizimin e atij projekti është 550 milionë euro, prej të cilave 350 milionë janë kredi, kurse 200 milionë grant. Do të kthejmë 350 milionë. Sepse kontraktori ka të drejtën e gjobave dhe pretendimeve. Përvoja ime modeste inxhinierike thotë se do të nevojiten të paktën 200 milionë të tjera. Që nga ato 350 të arrijmë gjysmë miliardi para, të cilat do të duhet t’i paguajmë. Dhe po, 200 milionë euro, që është grant dhe që do të paguajnë taksapaguesit europianë. Po, edhe kjo është e vërtetë, por ne 500 milionë”, theksoi Mickoski.

I pyetur pse mendon se Bullgaria nuk do ta ndërtonte tunelin, Mickoski u përgjigj se shembull i ngjashëm është pika kufitare Klepalo, e cila është gati te ne dhe në Bullgari nuk është derdhur as një metër kub rërë.

“Për faktin se në pikën kufitare Klepalo deri më sot nuk është derdhur një metër kub rërë dhe këtu ka përfunduar. Përvoja thotë se ne i kryejmë detyrat e shtëpisë, por nga ana tjetër realizimi është disi i ngadalshëm”, theksoi Mickoski. FLAKA