Mucunski: Do të shkrihen Drejtoria për TIRZ dhe Agjencia për Investime të Huaja

Ministri i Punëve të Jashtme dhe Tregtisë së Jashtme, Timço Mucunski, tha sot se është gati draft-versioni i Ligjit për Punë të Jashtme, i cili së shpejti do t’i prezantohet publikut në procedurë të rregullt dhe i cili do të rrisë kompetencat e këtij departamenti, përcjell FLAKA.

Mucunski njoftoi se po punohet për bashkimin e Agjencisë për tërheqjen e investimeve të huaja dhe promovimin e eksporteve dhe Drejtorisë përgjegjëse për zonat zhvillimore teknologjiko-industriale, ndërsa do të rritet angazhimi i përfaqësive diplomatike-konsullore në kuptimin ekonomik.

“Në të njëjtën kohë po punohet për bashkimin e disa agjencive. Është Agjencia e Tërheqjes së Investimeve të Huaja dhe Agjencia përgjegjëse për TIRZ, pra Drejtoria, në një institucion që do të ketë autoritetin për të promovuar vendin si një destinacion potencial për tërheqjen e investimeve, në përputhje me politikat që do të krijohen në Ministrinë e Jashtme, por në të njëjtën kohë i njëjti institucion bashkëpunon me të gjithë të tjerët, me të gjithë investitorët pas pranisë së tyre në vend. Fatkeqësisht, deri më tani kemi pasur një qasje që nuk ka ofruar kushtet më të mira për investitorët, sidomos pas ardhjes së tyre në vend. Dhe kjo është arsyeja pse ne duhet të punojmë në krijimin e politikave të mira nga ky këndvështrim. Garantoj se Ministria do të jetë krijuese e politikave që do të sigurojnë standarde më të larta në këtë fushë, do të kemi angazhim të shtuar, DCP-të tona do të angazhohen shtesë që nga periudha e ardhshme, tha Muvunski.

Ai tha se tashmë kanë një numër të madh të angazhimeve specifike që i kanë ndërmarrë në periudhën e fundit, siç janë bisedimet me disa investitorë.

“Disa tashmë janë zotuar për investime në vend dhe ne po punojmë së bashku me odat tona ekonomike dhe me sipërmarrësit tanë për të promovuar ekonominë e Maqedonisë dhe të gjitha kapacitetet eksportuese që ajo ka”, tha Mucunski. FLAKA