Ekonomia qarkulluese, parashihen lehtësime të reja doganore

Botuar nga Driton Zenku 22 Tetor, 2024 21:07

Negociatat me doganën për uljen e doganimit të mbeturinave, lehtësimet tatimore për investimet në ekonominë qarkulluese dhe krijimi i legjislacionit për bashkëpunim rajonal në fushën e mbeturinave janë prioritetet e Ministrisë së Ekonomisë në lidhje me ekonominë qarkulluese, që nënkupton reduktimin e mbetjeve dhe emetimet e dëmshme në ajër. Çdo investim është rrezik dhe investimet në ekonominë qarkulluese nuk janë gjithmonë fitimprurëse për kompanitë, por janë zgjedhja e duhur, thotë Blerim Zllatku nga Ministria e Ekonomisë.

“Ligji për përkrahje financiare të investimeve, ndryshimet e të cilit do të jenë së shpejti, do ta shqyrtojmë mundësinë që për të gjitha këto investime t’u japim disa lehtësime tatimore, financiare dhe jofinanciare.”, – deklaroi Blerim Zllatku nga Ministria e Ekonomisë.

Doganat thonë se po punojnë për zgjerimin e korridoreve të gjelbra me disponueshmëri 24/7 dhe uljen e barrierave tregtare. Asgjësimi i mallrave nën mbikëqyrjen doganore kryhet nga operatorë me leje mjedisore të integruara të lëshuara nga Ministria e Brendshme.

“Procedura për importin e këtyre mallrave, përveç shkatërrimit të mallit që do të mbetet dhe do të jetë mbeturinë, do të mund të përfundojë me lëshim në qarkullim të lirë me doganim importues. Mund të them se ka interes të shtuar tek operatorët ekonomik, një pjesë e këtij malli edhe në industrinë e tekstilit dhe në industrinë automobilistike të përdoret sa më shumë.”, – theksoi Marijan Tasevski nga Sektori për Sistem Doganor.

Vitin e kaluar, më shumë se 100 ndërmarrje të vogla dhe të mesme morën mbështetje financiare nga UNDP-ja për investime të gjelbra me efiçencë energjetike, duke hapur një numër të madh të vendeve të gjelbra, thotë Rita Kolumbia nga Zyra e OKB-së.

“115 kompani të vogla dhe të mesme morën financa për investime të gjelbra sa i përket efikasitetit energjetik dhe burime të ripërtërishme të energjisë duke hapur një numër të madh të vendeve të gjelbra të punës dhe kjo ishte përkrahur nga UNDP-ja.”, – u shpreh Rita Kolumbia nga Zyra e OKB-së.

Me rritjen e presionit mbi burimet natyrore, ekonomia qarkulluese është një qasje inovative për zhvillimin e qëndrueshëm. Vendi ka bërë përparim të madh drejt legjislacionit të nevojshëm për të mundësuar kalimin në ekonominë qarkulluese, por ende duhet shumë punë në këtë plan.

Botuar nga Driton Zenku 22 Tetor, 2024 21:07

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media.