Pesë persona të vrarë në një shtëpi në afërsi të Seattle, mes tyre tre fëmijë – i dyshuari është një i mitur

Një i dyshuar i mitur është në paraburgim pasi pesë persona u vranë, duke përfshirë tre fëmijë gjatë një “situate të mundshme të dhunës në familje” në Washington, thanë autoritetet.

Pak para orës 5 të mëngjesit të së hënës, nga zyra e sherifit të qarkut King iu përgjigjën raporteve për një vetëvrasje të mundshme në një shtëpi në lagjen Lake Alice Road në Fall City, tha zëdhënësi i departamentit Brandyn Hull për USA TODAY.

Fall City është rreth 32 kilometra në lindje të Seattle. Ky incident është kthyer në një hetim vrasjeje, kurse Hull konfirmoi se dy të rritur dhe tre fëmijë u vranë.

“Të paktën një person u dërgua në një spital dhe një tjetër është me detektivët duke ndihmuar me hetimin”, tha Hull, transmeton Telegrafi.

Marrëdhënia mes të ndjerëve dhe të dyshuarit të mitur është e paqartë.

Hull shtoi se një fqinj me disa trajtime mjekësore, arriti të shkonte në shtëpi përpara se të vinin reaguesit e urgjencës dhe të jepnin ndihmën.