Zgjohet nga koma dhe beson se është ende në vitet ’80, historia e pabesueshme e italianit që “humbi” 39 vite nga jeta

Botuar nga Driton Zenku 22 Tetor, 2024 20:19

Një jetë e tërë e “fshirë” pas një aksidenti. Historia e Luciano D’Adamo është e pabesueshme dhe duket si një film. Ai u zgjua pas aksidentit i bindur se ishte 24 vjeç, me 39 vite kujtime të humbura.

Luciano zgjohet nga koma në vitin 2019 kur ai mendonte se ishte në vitin 1984. Kur një infermiere në spital i kërkoi numrin e telefonit të një të afërmi, Luciano i dha numrin e shtëpisë së nënës së tij.

Kur gruaja e tij prej më shumë se njëzet vjetësh, mbërriti disa orë më vonë, ai nuk e njohu dhe e njëjta gjë ndodhi me djalin e tij. Megjithatë, momenti më i keq ishte kur u pa në pasqyrë për herë të parë, duke mos gjetur më fytyrën e tij djaloshare, por atë të një 63-vjeçari.

“Kur arriti të ngrihej nga shtrati për të shkuar në tualet dhe në pasqyrë u shfaq një burrë me flokë gri dhe rrudha, ai filloi të bërtiste”, shkruan Il Messaggero. Infermieret i shpjeguan se gruaja që kishte parë pak më parë ishte gruaja e tij, vajza që sapo kishte filluar ta shihte 39 vjet më parë.

Ai zbuloi se aksidenti nuk kishte ndodhur në vitin 1980 por në 2019-ën. Luciano nuk e dinte se çfarë ishin celularët, kishte harruar kampionatet e Romës, Botërorin e fituar nga Italia, nuk dinte për Tottin dhe Berlusconin dhe 11 shtatorin. Ai papritmas e gjeti veten në një univers fantashkencë.

I ndihmuar nga mjekë, miq dhe të afërm, të cilët u përpoqën t’i kthenin kujtesën me histori dhe fotografi, ai nuk kujtoi asgjë. Nga ato gati 40 vite të humbura, mbeti vetëm një imazh: vizatimi i një lejleku, emri Matteo, një datë, një orë dhe shkrimi “PN 2300”. Është etiketa në një krevat fëmijësh me kohën e lindjes dhe peshën e nipit të tij të parë, të lindur në 2014.

Rimëkëmbja gjatë këtyre pesë viteve ka qenë një udhëtim i gjatë për Luciano, tani 68 vjeç. Tani ai punon në një shkollë, pasi është njohur vazhdimisht me zakonet dhe teknologjinë moderne.

Botuar nga Driton Zenku 22 Tetor, 2024 20:19

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media.