Ligj për “branitellat” dhe ish-ushtarët e UÇK-së? – Bytyqi: LSDM e gatshme për zgjidhje të përbashkët ligjore

Botuar nga Driton Zenku 31 Tetor, 2024 21:26

LSDM është e gatshme të ulet dhe të diskutojnë që bashkë me Ligjin e Branitellave që është dorëzuar në Kuvend, të gjendet zgjidhje edhe për statusin e ish-ushtarëve të UÇK-së dhe familjeve të tyre, pohon deputeti socialdemokrat Fatmir Bytyqi.

Bytyqi në DailyClick po ashtu u shpreh se tani ata që dalin dhe brohorasin për 2001-shin, në fakt për 22 vjet kanë harruar çdokënd që ka qenë aktor në 2001, qoftë luftëtar qoftë familjet e tyre, duke mos çuar asnjëherë asnjë zgjidhje ligjore në Kuvend për statusin e tyre.

Kohë më parë deputeti i VLEN, Rijad Shaqiri, pat deklaruar se janë të gatshëm të ulen me LSDM-në që të përpilojmë një ligj të përbashkët ku do të përfshiheshin edhe ish-ushtarët e UÇK-së dhe gjithë të përfshirët në luftën e 2001-shit, por bëri thirrje që paraprakisht LSDM ta tërheqë propozim-tekstin që tashmë e kanë dorëzuar përmes deputetet Sllavjanka Petrovska.

Ndryshimet parashohin rritje të kompensimit financiar për invalidët dhe familjet e pjesëtarëve të ARM-së që humbën jetën në konfliktin e vitit 2001 por edhe të zgjerohet edhe me pjesëtarë të tjerë të ish pjesëtarëve të forcave të sigurisë. Ligji ka mbetur i bllokuar në Komisionin kuvendor për Politikë sociale që drejtohet nga deputetja e FE-së Ilire Dauti. Bllokimin e këtij ligji e mbështetë edhe koalicioni VLEN që është pjesë e shumicës.

Botuar nga Driton Zenku 31 Tetor, 2024 21:26

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media.