Data 11, Grubi: Te gjuha shqipe nuk ka kompromis, nuk ka politikë, nuk ka parti, ka vetëm komb!

Ish-zëvendëskryeministri i parë, Artan Grubi ka përshëndetur nismën e mbi 250 akademikëve shqiptarë kundër tendecave të Gjykatës Kushtetuese për shfuqizimin e gjuhës shqipe.

Grubi shkruan se të njejtin shqetësim e ndajnë qytetarët pa përjashtim, mirëpo zanafilla e kësaj problematike është prej më 8 maj kur nuk u respektua as vullneti i popullit dhe VLEN u bënë pjesë e qeverisë së re.

Grubi shkruan se kur flitet për gjuhën shqipe nuk ka parti por vetëm komb.

Reagimi i plotë:

Përshëndes guximin akademik dhe kombëtar të intelektualëve shqiptar kundër tendencave sistematike për të zhbërë çdo të arritur kombëtare në aspektin e barazisë në Maqedoninë e veriut.

Të njejtin shqetësim e ndajnë edhe studentët, nxënësit, qytetarët, që të gjithë, pa përjashtim.

Akrobacionet amatore politike, ka ligj, s’ka ligj, gjykata kështu, gjykata ashtu, na sollën deri në këtë derexhe e cila zanafillën e vet e ka në mos respektimin e vullnetit të qytetarëve në zgjedhjet e 8 majit nga ana e mandatarit dhe pranimin e pakusht të rolit të të nënshtruarit nga ana e humbësve të zgjedhjeve.

Gjuhën shqipe e flasim edhe ne, edhe ju!

Te gjuha shqipe nuk ka kompromis, nuk ka politikë, nuk ka parti, ka vetëm komb!