U shtrenjtua rryma/ Shtrenjtimi i përgjithshëm është 0.92% sa është edhe te tarifa e lirë | AUDIO

Energjia elektrike u shtrenjtua. Minimalisht, por megjithatë qytetarët nga janari do të kenë fatura më të larta. Rritja mesatare është 0.92%, por ka dallime mes blloqeve tarifore. Kështu që në bllokun e parë tarifore, rritja është 0.68%, në bllokun e dytë 0.9%, në bllokun e tretë 1.93% dhe në të katërtin 2.24%, ndërsa Kilovati në tarifën e lirë është rritur për 0.9%

Bislimovski theksoi se EVN Home si furnizues universal ka llogaritur se rritja duhet të jetë 4.4%, por kjo nuk është pranuar nga KRRE. Edhe pse janë pajtuar rreth pothuajse gjithë numrave, EVN Home-it nuk i është pranuar faktori për korrigjim, që të mos ketë shtrenjtim më të madh. I pari i KRrE-së theksoi se edhe shteti furnizuesit universal i ka borxh mbi 14 milionë euro dhe se me çmimin e ri do të kthehen vetëm një milion, ndërsa nga të ardhura shtesë të realizuara edhe dy milionë.

Çmimi i ri i rrymës starton nga 1 janari i vitit 2025.