VMRO-DPMNE: LSDM përmes Filipçes dhe Zaevit i mundësuan Grubit të kryej keqpërdorime…

Flaka
Botuar nga Flaka 29 Dhjetor, 2024 14:16

VMRO-DPMNE: LSDM përmes Filipçes dhe Zaevit i mundësuan Grubit të kryej keqpërdorime…

“Zaev dhe Filipçe me vetëdije e përkrahën BDI-në në krimet e tyre. Duke ditur krimet, LSDM nuk ka nisur procedimin ndaj Grubit, sepse pushteti do t’i kishte rënë. LSDM përmes dyshes Zaev dhe Filipçe, i mundësoi Grubit të kryejë krime tek Lotaria”, thuhet në komunikatën e VMRO-DPMNE-së.

Nga partia në pushtet thonë se Grubi nuk mund ta bënte veprimet në Lotarinë Shtetërore pa e ditur LSDM-ja.

“Duke heshtur dhe duke mos marrë asnjë masë, LSDM janë bashkëpunëtorë në krim, për të qëndruar edhe disa ditë në pushtet. Po të mos ishin Zaev dhe Filipçe, krimi i Grubit dhe BDI-së nuk do të ishte i mundur. Grubi dhe BDI e kishin kthyer Lotarinë në një kompani private, përmes së cilës shpërndanin tenderë dhe para. Përpjekjet e dëshpëruara të LSDM-së për të mbuluar krimin dështuan. Prandaj, qytetarët lexuan përpjekjet e tyre destruktive për të qëndruar në pushtet dhe i ndëshkuan në zgjedhje. VMRO-DPMNE ka shtatë vite që flet për krimin e Grubit. Duhet të ketë drejtësi dhe përgjegjësi!”, thuhet në deklaratën e VMRO-DPMNE-së.

Flaka
Botuar nga Flaka 29 Dhjetor, 2024 14:16
Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin. Flaka Media