Tragjedia në Tetovë, MPB: Babai natën e Vitit të Ri e ka vr’arë djalin e tij pas një zënke

Gjatë ditës së sotme në Tetovë, një person i moshës 39-vjeçare u gjet pa shenja jete në banesën e tij që sipas të dhënave të policisë, dorasi është babai. Sipas policisë, mes viktimës dhe dorasit pati një konfrontim fizik që më pas dërgoi deri në vrasjen e S.N.

Në vendin e ngjarjes është gjetur edhe një pushkë gjuetie ndërsa viktima ishte i goditur në kokë. Ngjarja ka ndodhur më 31 dhjetor, por sipas të dhënave jozyrtare, pasi i ndjeri nuk është përgjigjur në telefon, pas çka një shok ka lajmëruar policinë.

“Sot (02.01.2025) rreth orës 18:50 në bllokun 70 në Tetovë, S.N.(39) është gjetur në shtëpinë e tij pa shenja jete, me plagë me armë zjarri në kokë. S.N. ka jetuar vetëm me babain e tij, i cili është gjetur pa ndjenja dhe nga ana e Emergjencës Mjekësore është dërguar në Qendrën Urgjente të Tetovës. Në dhomën ku është gjetur S.N. është gjetur një pushkë gjuetie. Pas ndërmarrjes së masave dhe aktiviteteve për zbardhjen e rastit, në koordinim me prokurorin publik, është konstatuar se kemi të bëjmë
me vepër penale “vrasje” e kryer më datë 31.12.2024, ku pas një konfrontimi fizik të mëparshëm, M.N. (65) ka vrarë me pushkë gjuetie djalin e tij S.N. Pas dokumentimit të plotë të rastit do të përgaditet parashtresë përkatës”, ka njoftuar policia.

Vrasje në Tetovë, babai dyshohet se ka qëlluar djalin e tij

Një trup i pajetë është gjetur mbrëmjen e sotme në “Bllok 70” në Tetovë. Policia është në vendin e ngjarjes, ku edhe është gjetur arma ndërsa sipas informatave jozyrtare, babai është dërguar në spital, për shkak të gjendjes psikike.

SPB-Tetovë ka dhënë informacione zyrtare për ngjarjen tragjike në Tetovë, Sipas tyre, 39-vjeçari S.N, i cili jetonte vetëm me babanë e tij, është gjetur pa shenja jetë në banesë. Ne vendin e ngjarjes është gjetur edhe një pushkë gjuetie, ndërsa viktima, kishte plagë në kokë.

“Sot (02.01.2025) rreth orës 18:50 në Tetovë, personi S.N. (39) është gjetur në shtëpinë e tij pa shenja jete, me plagë me armë zjarri në kokë. S.N. ka jetuar vetëm me babain e tij, i cili është gjetur pa ndjenja dhe nga ana e Emergjencës Mjekësore është dërguar në Qendrën Urgjente të Tetovës. Në dhomën ku është gjetur S.N. është gjetur një pushkë gjuetie”, njoftuan nga SPB-Tetovë.

Në koordinim me prokurorin publik po merren masa për zbardhjen e rastit. Flaka Media