Ndryshimi i stemës shtetërorë, ‘hapja’ edhe e një Kutie të Pandorës!

Është hapur çështja për ndryshimin e stemës shtetërorë të RMV-së, konfirmuan nga qeveria aktuale VMRO-DPMNe dhe VLEN.

Sipas tyre, vendi ka ende një stemë të vjetër shtetërore që ju duhet disa modifikime të vogla. Kjo temë ka shkaktuar reagime, sidomos nga ana e opozitës.

Çfarë përmban stema aktuale?

Stema e Maqedonisë së Veriut është i përbërë nga dy kurora të gjarpëruara të duajve të grurit, të gjetheve të duhanit dhe frutave të lulekuqes së opiumit, e lidhur me një fjongo të dekoruar me qëndisje tradicionale maqedonase me motive popullore.

Në qendër të kornizës vezake janë paraqitur një mal, një liqen dhe lindja e diellit. Këto pajisje është thënë të përfaqësojnë “pasurinë e vendit dhe luftën e saj dhe lirinë”.

E tërë përbërja dhe dizajni është bazuar në modelin e stemës së SFRJ-së dhe nuk ka asnjë rrënjë nga stema e emblemës historike heraldike të Maqedonisë.

Karakteristikat e stemës kombëtare përmban një dielli që agon që simbolizon lirinë, Malin Sharr, Malin Ljuboten, Malin Korab dhe lumin Vardar.

Emblema gjithashtu përmban fruta të lulekuqes; lulekuqja u soll në Maqedoni nga ana e Perandorisë Osmane në gjysmën e parë të shekullit të 19.

LSDM kundërshton:

Ne besojmë se stema shtetërore në mënyrë adekuate dhe heraldike pasqyron të gjitha karakteristikat e këtij nënqielli. Është i qartë kontinuteti dhe përfitimi nga Lufta nacionalçlirimtare dhe antifashiste. Nuk ka asnjë ndarje etnike dhe nëse ka një iniciativë të tillë, me të gjitha mjetet demokratike do të kundërshtojmë ashpër ndryshimin e stemës shtetërore”, deklaroi lideri i LSDM-së, Venko Filipçe.

I pyetur si është qëndrimi i LSDM-së për ndryshimin e stemës shtetërore, Filipçe duke u përgjigjur në pyetjen e gazetarëve në konferencën e sotme për media në selinë e partisë, tha se ky është një nga propozimet e paparalajmëruara dhe të planifikuara të VMRO-DPMNE-së që përsëritet nga e kaluara.

“Ky është një propozim që tani po përsëritet. Të rikujtoj se ky propozim ishte vënë në tavolinë para disa vitesh, gjatë qeverisë së kaluar, kur VMRO-DPMNE ishte në koalicion me BDI-në. Atëherë, ishte brenda një pako masash që duhej të miratoheshin. Konkretisht besoj se dilema e parë që shtrohet është nëse ndoshta brenda koalicionit me VLEN-in, duke dhënë këtë propozim për ndryshimin e stemës shtetërore, nuk diskutohet edhe për ndryshimin e himnit. Edhe kjo është diçka që VMRO-DPMNE duhet të përgjigjet”, tha Filipçe.

Ideja rrjedh nga VMRO-DMPNE

Kryetari i Qeverisë, Hristijan Mickoski dje në deklaratën për media deklaroi se partitë e koalicionit qeveritar VMRO-DMPNE dhe VLEN-i e kanë hapur çështjen për ndryshimin e stemës shtetërore.

“Ne këtë çështje e kemi hapur. Ne jemi një nga dy vendet postsocialiste që ende e kemi stemën e vjetër shtetërore me disa modifikime të vogla”, ka thënë Mickoski.

Kryeministri kujtoi se marrëveshje për ndryshimin e stemës shtetërore ka pasur edhe mes VMRO-DPMNE-së dhe BDI-së kur ata ishin bashkë në qeveri.

Kasami jep pëlqimin për ndryshimin e stemës!

Ndërkohë, Bilal Kasami, kryetar i Komunës së Tetovës dhe i partisë Lëvizja Besa, ka shprehur mbështetje për ndryshimin e Kushtetutës dhe simboleve shtetërore

Sipas tij, ndryshimi i simboleve duhet të pasqyrojë orientimin aktual të Maqedonisë drejt Bashkimit Evropian dhe është i gatshëm të diskutojë amendamente kushtetuese në këtë drejtim.

“Jemi të gatshëm të diskutojmë një paketë amendamentesh kushtetuese, ku në vend të trashëgimisë së sistemit të mëparshëm, do të pasqyrohet orientimi aktual i vendit drejt Bashkimit Evropian. Ne jemi të gatshëm të diskutojmë, duke u siguruar që do të jetë një proces publik dhe transparent” – deklaroi Kasami.

Një propozim tjetër ka ardhur edhe nga PLD

Një propozim tjetër ka ardhur nga Partia Liberal Demokratike, e cila ka sugjeruar që rrëqebulli të vendoset në stemën e re si simbol i veçantë, karakteristik për vendin.

Është një simbol që në asnjë mënyrë nuk do t’i ngjajë asnjë vendi fqinj dhe nuk do të krijojë probleme. Vetëm veçantia, veçoria, risia, freskia, e ardhmja dhe mbrojtja e vetes është e pranueshme – siç është rrëqebulli i Ballkanit, i cili e ka origjinën nga Mali Sharr, është kafshë e rrallë dhe e mbrojtur dhe është një nga simbolet tona kombëtare shtetërore ” – thonë nga PLD.

Nëse ndodh ndryshimi, kosto shtesë për qytetarët pasi do të duhet të ndryshojnë dokumentet personale

Ndryshe, ndryshimi i stemës ka ngjallur gjithashtu shqetësime lidhur me mundësinë e kostove shtesë për qytetarët, veçanërisht në lidhje me ndryshimet në dokumentet personale si pasaportat, kartat e identitetit dhe patentë shoferët, të cilat kërkojnë procedura të reja administrative pas ndryshimeve kushtetuese të mëparshme.

Nëse do të ndodhte ndryshimi i stemës, për qytetarët do të ishte një goditje shtesë pas ndërrimit të imponuar dhe me shpenzimeve vetanake të dokumenteve personale, kur u arrit marrëveshje për ndryshim të emir të shtetit me shtetin fqinj, Greqinë.

Ndryshimi i dokumenteve buron nga Marrëveshja e Prespës, e nënshkruar më 17 korrik 2018 ndërmjet Maqedonisë së Veriut dhe Greqisë, e cila u dha fund mospajtimeve të kamotshme mes dy shteteve.

Ishte ky një proces i ngadalë dhe me kosto të larta për buxhetin e familjeve. Për t’i ndryshuar të gjitha dokumentet, një familje katëranëtarëshe u detyrua të ndajë rreth 180 euro. Flaka Media