Tarifa 25% ndaj Europës/ Presidenti i SHBA trondit BE-në dhe vulos akordin me Zelensky-n

Botuar nga Driton Zenku 26 Shkurt, 2025 23:31

Presidenti i Shteteve të Bashkuar të Amerikës, Donald Trump, kërcënoi se do të vendosë tarifa 25% ndaj vendeve të Bashkimit Evropian.

Gjatë takimit të parë të kabinetit të mërkurën, presidenti i SHBA deklaroi se shumë shpejt ai do t’i publikojë detajet rreth paralajmërimeve të fundit për tarifat. “E kemi marrë vendimin dhe do të jetë 25%”, ka saktësuar ai.

BE-ja është partneri i tretë më i madh tregtar i SHBA-së bashkë me Kinën. Trump ka deklaruar se javën e ardhshme do të vendos tarifa 25% ndaj dy partnerëve më të mëdhenj tregtarë të SHBA-së, Kanadasë dhe Meksikës.

Ai nuk ka dhënë më shumë detaje, por ka përmendur prodhuesit e veturave dhe ka deklaruar se taksat mund të aplikohen “në mënyrë të përgjithshme”.

Presidenti i Shteteve të Bashkuara të Amerikës konfirmoi se Volodymyr Zelensky do të vizitojë Shtëpinë e Bardhë të premten për të nënshkruar marrëveshjen për mineralet e rralla dhe për rindërtimin e Ukrainës së shkatërruar nga lufta.

“Jemi duke bërë një punë shumë të mirë me Rusinë dhe Ukrainën. Presidenti Zelensky do të vijë të premten, është e konfirmuar tashmë, dhe ne do të nënshkruajmë marrëveshjen”, ka deklaruar Trump.

“Kam kënaqësinë t’ju them se më në fund bëmë një marrëveshje ku ne do të rimarrim paratë tona dhe do të marrim vërtetë shumë para në të ardhmen. Mendoj se kjo është e përshtatshme”, ka shtuar ai.

Trump ka deklaruar se administrata e tij është “e lumtur” për marrëveshjen, e cila mund t’i garantojë SHBA-së qasje në mineralet e rralla të Ukrainës si pjesë e negociatave më të gjera për të ndaluar pushtimin rus.

Botuar nga Driton Zenku 26 Shkurt, 2025 23:31

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media.