Prokuroria kërkon 30 ditë paraburgim për Bekteshin dhe disa të dyshuar të tjerë

Prokuroria ka kërkuar masë paraburgimi prej 30 ditësh për ish-ministrin e Ekonomisë, Kreshnik Bekteshi, si dhe për tre drejtorë të tjerë nga Ministria e Ekonomisë, mësohet nga burime të hetimit.

Ndër ata për të cilët është kërkuar paraburgimi janë ish-sekretarja shtetërore, Razmena Çekiç, dhe drejtori Beqim Haxhiu. Këta janë tre personat e parë për të cilët është hapur një hetim dhe kërkohet paraburgim në kuadër të hetimit të gjerë që përfshin më shumë se 20 të dyshuar.

Më herët, një masë e tillë paraburgimi ishte kërkuar vetëm për shtatë punonjës të policisë të dyshuar për të njëjtin rast. Po ashtu, mbrëmjen e sotme janë paraqitur në gjykatë tre ish-kryetarë të komunës së Koçanit, të cilët gjithashtu janë nën hetim.

Prokuroria ka njoftuar se hetimi po zgjerohet dhe në ditët në vijim priten detaje të reja për përfshirjen e të dyshuarve të tjerë.