Shtip, një student turk mbeti i vrarë | FOTO

Botuar nga Flaka 9 Maj, 2025 07:22 Përditësuar

Një incident i rëndë me armë zjarri ndodhi mbrëmjen e së enjtes në sheshin qendror “Sloboda” të qytetit të Shtipit në Maqedoninë e Veriut, ku një student turk mbeti i vrarë pas një përplasjeje verbale që përshkallëzoi në përdorim të armës, njofton Flaka duke u thirrur në informacionet nga mediat lokale. Ngjarja ndodhi rreth orës 21:30 në një lokal të frekuentuar të qytetit.

Sipas informatave të agjencisë MIA dhe televizionit lokal TV Star, në drejtim të viktimës janë shkrepur tetë plumba, ndërsa sipas burimeve jozyrtare, viktima ishte i armatosur me një thikë. I plagosuri u dërgua menjëherë në Spitalin Klinik të Shtipit, ku më vonë ndërroi jetë nga plagët e marra.

Të dhënat paraprake tregojnë se si viktima, ashtu edhe autori i dyshuar i të shtënave janë shtetas të Turqisë dhe studentë në Shtip. I dyshuari është identifikuar si Bedri Polat, i cili ndodhet në arrati. Policia ka ndjekur makinën e tij deri në afërsi të Mlladinovcit, ku ai theu barrikadën e pagesës në autostradë, pavarësisht të shtënave paralajmëruese nga ana e policisë.

Mjeti i braktisur u gjet disa kilometra më tej në autostradë, ndërsa kërkimet për kapjen e të dyshuarit janë ende në vijim.

Policia e Shtipit ka konfirmuar se është duke ndërmarrë masa për identifikimin dhe kapjen e autorit të mundshëm, si dhe për zbardhjen e plotë të rastit. Flaka Media

Botuar nga Flaka 9 Maj, 2025 07:22 Përditësuar

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media.