Snopçe: Fytyra e dëshpëruar e Arbenit pranë Mickoskit tha gjithçka!

Deputeti i Aleancës për Shqiptarët, Halil Snopçe, ka reaguar publikisht lidhur me zhvillimet e fundit politike, duke komentuar edhe dorëheqjen e Arben Taravarit nga posti i ministrit të Shëndetësisë dhe ASH-së nga qeveria dhe koalicioni VLEN, shkruan Flaka

Snopçe rikujton njohjen e tij shumëvjeçare me Taravarin: “Arbenin e njoh 45 vjet. Aq mirë e njoh, saqë ende e mbaj në mend edhe çantën e librave që e kishte kur ishim në klasë të parë.”

Ai theksoi se kurrë më parë nuk e kishte parë Taravarin me një shprehje më të dëshpëruar në fytyrë sesa në momentin kur kryeministri Hristijan Mickoski deklaroi publikisht se “do t’i heq për veshi nëse duhet”.

Ajo fytyrë e Arbenit që si ministër i Shëndetësisë qëndronte pranë kryeministrit në atë pres konferencë, ishte shprehje dëshpërimi,” shtoi Snopçe.

Ai përmendi se Taravari dha dorëheqje, ndërsa Aleanca për Shqiptarët vazhdon rrugëtimin e saj politik në opozitë. Në fund të deklaratës, Snopçe lë të nënkuptohet se dorëheqja mund të ketë qenë e ndikuar nga zhvillimet e fundit: “A është koincidencë apo jo? Secili le të gjykon për veten e tij.” Flaka Media