Nga “Çenke i vegetosur” – në zëvendësministër të Bujqësisë!

Dikur gazetar në kërkim të së vërtetës, sot në kërkim të subvencioneve – Albrim Hoxha ka bërë një hop të madh… nga mikrofonat te ministritë!

Po flasim për të njëjtin Hoxhë, që vite më parë mori një kompliment origjinal nga kryetari i BDI-së, Ali Ahmeti:
“Çenke vegetosur, shumë qenke!”

Në vend që të demaskohej, u emërua!
Në vend që të largohej nga politika, u fut edhe më thellë – këtë herë jo me kamera, por me vula dhe fletë-pranim.

Hoxha vjen në postin e zëvendësministrit të Bujqësisë, në një qeveri ku gjithçka lulëzon, përveç vetë bujqësisë. Ai përfaqëson Aleancën për Shqiptarët – jo atë të Taravarit, por të tjetrit Taravar… pardon, të Fetait!

Në një vend ku gjithçka është e mundur, edhe “të qenit i vegetosur” qenka përvojë e vlefshme për poste zyrtare. Me këtë ritëm, presim që fjalët “Shumë qenke!” të bëhen formulë zyrtare për rekomandim në LinkedIn.

🇲🇰 Maqedonia – vendi ku kritika ndaj politikanëve është rruga më e shpejtë për të bërë karrierë… si politikan.

“Lajmi që s’na duhej” është rubrikë satirike. Çdo ngjashmëri me realitetin është më shumë reale se satirike. Qëndrimet janë të autorit, jo të redaksisë – të paktën deri në emërimet e reja.”

(Çdo ngjashmëri me realitetin është më shumë reale se satirike. Qëndrimet janë të autorit, jo të redaksisë – të paktën deri në emërimet e reja.)