Taravari: 26 vjet nga çlirimi i Kosovës – koha për t’u çliruar nga ngërçi politik

Kryetari i Aleancës për Shqiptarët, Arben Taravari, ka përkujtuar 26-vjetorin e Çlirimit të Kosovës me një mesazh të mbushur me respekt dhe reflektim për të ardhmen e këtij shteti.

“Sot bëhen 26 vjet nga Çlirimi i Kosovës! Duke kujtuar këtë ditë me respekt, uroj që ky shtet të rifillojë sa më shpejt jetën e tij normale dhe të lirohet nga ngërçi politik që po i merr frymën,” ka shkruar Taravari në rrjetet sociale.

Ky mesazh vjen në një kohë kur Kosova përballet me sfida të shumta politike dhe institucionale, ndërkohë që qytetarët presin zgjidhje konkrete për të ecur përpara drejt konsolidimit demokratik dhe integrimeve euroatlantike.

Taravari, i njohur për qëndrimet e tij pro-kosovare dhe mbështetjen për stabilitetin rajonal, ka bërë thirrje për tejkalimin e krizave të brendshme përmes dialogut dhe vizionit shtetformues. Flaka Media