Allegri kërkon një numër 9 – Milan pas Darwin Núñez

Allegri kërkon një “bomber” – Milan hedh sytë nga Darwin Núñez

Trajneri i ri i Milanit, Massimiliano Allegri, i ka kërkuar drejtuesve të klubit – Giorgio Furlani dhe Igli Tare – të sigurojnë një qendërsulmues të ri për sezonin e ardhshëm. Sipas asaj që raporton “Tuttosport”, objektivi i preferuar i teknikut të Livornos është sulmuesi i Liverpoolit, Darwin Núñez.

Edhe pse Milani investoi mbi 30 milionë euro për Santiago Gimenez në janar, Allegri duket se kërkon një profil ndryshe në majën e sulmit. Núñez, i cili iu bashkua Liverpoolit në vitin 2022 për 85 milionë euro, ka pasur një sezon të vështirë nën drejtimin e trajnerit Arne Slot. Ai e humbi vendin e titullarit në shumë raste, duke startuar vetëm në 17 nga 47 ndeshje dhe pa arritur shifra dyshifrore në gola.

Megjithatë, 24-vjeçari mbetet një talent i padiskutueshëm dhe ideja e rikthimit të tij në Serie A nuk përjashtohet. Milani mund të tentojë huazimin me opsion blerjeje, duke e shtyrë pagesën përfundimtare në verën e vitit 2026, kur vlera e tij në bilancin e klubit do të jetë më e ulët.

Kjo lëvizje do t’i jepte kuqezinjve një armë të fuqishme në repartin ofensiv, ndërkohë që Allegri ka kërkuar edhe të mos shitet Rafael Leão, duke ndërtuar rreth tij dhe një “bomberi” të ri një sulm më të balancuar dhe efikas.

Flaka