Flaka thumbon: Banka Popullore garanton stabilitet – për rrogën e guvernatorit

Guvernatori i sapoemëruar i Bankës Popullore, Trajko Sllaveski, ka vendosur t’i përballet sfidave të ekonomisë vendore me një rrogë modeste prej 180.000 denarësh në muaj (rreth 3.000 euro), duke shprehur habi dhe indinjatë pse publiku po merret me të ardhurat e tij. “Është mjerim të më pyesni për këtë. Askush nuk më pyeti kur haja makarona tre ditë rresht në SHBA gjatë studimeve,” deklaroi ai mes lotësh të padukshëm dhe kostumit të tij elegant.

Ndërkohë, qytetarët me pagë minimale prej 24.000 denarësh mezi arrijnë fundin e muajit, por janë të qetë sepse, sipas guvernatorit, “të paktën nuk janë të uritur në Amerikë.”

Burime jozyrtare thonë se Banka Popullore ka miratuar një plan për “stabilitet psikologjik të zyrtarëve të lartë”, i cili përfshin terapi kundër kujtimeve traumatike nga koha e studentit dhe dieta të balancuara për të shmangur përsëritjen e urisë akademike.

“Lajmi që s’na duhej” është rubrikë satirike. Çdo ngjashmëri me realitetin është më shumë reale se satirike. Qëndrimet janë të autorit, jo të redaksisë – të paktën deri në emërimet e reja.”

(Çdo ngjashmëri me realitetin është më shumë reale se satirike. Qëndrimet janë të autorit, jo të redaksisë – të paktën deri në emërimet e reja.)