Garcia te Barça – e konfirmon sponsori i dorezave

Barcelona ka aktivizuar klauzolën e lirimit prej 25 milionë eurosh për portierin e Espanyolit, Joan Garcia, i cili ishte një nga zbulimet më të mëdha në La Liga sezonin e fundit.

Agjentët e lojtarit depozituan shumën në zyrat e La Ligës, duke ndërprerë zyrtarisht kontratën me Espanyolin. Asnjëri nga klubet nuk e ka konfirmuar ende marrëveshjen, por njoftimi zyrtar pritet së shpejti.

Konfirmimi i parë vjen nga sponsori

Marka e dorezave Rinat Europa, që sponsorizon Garcian, publikoi një postim ku e uroi për transferimin te Barcelona:

“Çfarë krenarie që kemi kaluar këtë udhëtim me ty derisa arrite në një nga ekipet më të mira në botë” – shkruhej në postim, i shoqëruar edhe me hashtagun #Barça.

Kontratë gjashtëvjeçare dhe rol titullari

Garcia raportohet se ka firmosur një kontratë deri në vitin 2030 dhe do të jetë zgjedhja e parë e Hansi Flick, trajnerit të ri të katalanasve.

E ardhmja e Ter Stegen, Inaki Pena dhe Szczesny tashmë është e pasigurt.

Flaka