Real Madridi synon superyllin e Cityt
Botuar nga Drin Zenku
Real Madridi është duke shqyrtuar mundësinë për transferimin e Rodrit nga Manchester City në të ardhmen, pasi ka humbur garën për Martin Zubimendin.
Sipas gazetës “AS”, Zubimendi është shumë pranë Arsenalit, që është pajtuar të paguajë klauzolën e lirimit prej 60 milionë eurosh dhe t’i ofrojë një pagë më të lartë.
‘Los Blancos’, tashmë pa gjasa për ta marrë mesfushorin e Real Sociedad, kanë nisur të kërkojnë alternativa për fazën afatgjatë.
Rodri është në listën e dëshirave, por çdo lëvizje për të pritet të ndodhë vetëm në vitin 2026, kur ai hyn në vitin e fundit të kontratës me Cityn.
Spanjolli, fitues i “Topit të Artë 2024”, shihet si pasardhës ideal i legjendave si Xabi Alonso dhe Sergio Busquets, falë inteligjencës së tij taktike dhe qëndrueshmërisë së jashtëzakonshme në fushë.
Flaka
Botuar nga Drin Zenku
