Vetëm kapiteni mund të flasë me gjyqtarin – Rregulli i ri nga IFAB
Botuar nga Drin Zenku
Nga 1 korriku, në të gjitha kompeticionet zyrtare mund të aplikohet një rregull i ri i IFAB, që synon të reduktojë protestat dhe tensionet në fushë: vetëm kapiteni ka të drejtë t’i afrohet gjyqtarit për të kërkuar sqarime.
Rregulli parashikon që:
- Vetëm kapiteni, si dhe lojtari i përfshirë në incident, mund t’i afrohen gjyqtarit për të marrë shpjegime.
- Lojtarët e tjerë do të paralajmërohen, dhe nëse nuk respektojnë distancën, do të ndëshkohen me karton të verdhë.
- Kapiteni mund t’ua sqarojë më pas vendimin shokëve të ekipit, ndërsa gjyqtari ka të drejtë të vonojë rifillimin e lojës për këtë.
- Nëse kapiteni është portier, duhet caktuar paraprakisht një përfaqësues tjetër në fushë.
- Në rast zëvendësimi të kapitenit, zgjidhet një përfaqësues i ri.
Ky rregull i ri pritet të ulë ndjeshëm protestat masive dhe përplasjet që shpesh krijohen në fushë pas vendimeve të diskutueshme.
Ende mbetet për t’u parë nëse ky rregull do të miratohet edhe në kampionatin shqiptar, ku debatet me gjyqtarët janë të shpeshta.
Flaka
Botuar nga Drin Zenku
