David Beckham feston Ditën e Babait me një dedikim emocionues për fëmijët e tij!

Ish-ylli i futbollit dhe një nga pronarët e Inter Miami, David Beckham, ka festuar Ditën e Babait me një postim emocionues në rrjetet sociale. Ai ndau me ndjekësit e tij në Instagram një mesazh të ndjerë, ku shprehu dashurinë dhe krenarinë për fëmijët e tij.

“Puna ime më e rëndësishme dhe e preferuar në jetë është të jem baba… Jam shumë krenar për të gjithë ju dhe siç ju thotë babi (më falni djema) çdo ditë, unë do të jem gjithmonë këtu për ju, pavarësisht gjithçkaje…”, shkroi Beckham, duke etiketuar tre nga fëmijët e tij, Brooklyn, Romeo dhe Cruz. Vajza e katërt e tij quhet Harper.

Në postimin e tij, Beckham nuk harroi të falënderonte bashkëshorten e tij, Victoria Beckham, duke ndarë një foto nga koha kur ajo ishte shtatzënë. “Mami, faleminderit që luajte rolin më të rëndësishëm dhe më bëre baba. Nuk ka dhuratë më të madhe në jetë sesa të jesh baba… Gëzuar Ditën e Babait… Ju dua fëmijë më shumë sesa mund ta imagjinoni…”, shkroi ai.

Mesazhi i Beckham u prit me entuziazëm nga fansat, të cilët e vlerësuan dedikimin e tij ndaj familjes. Dita e Babait është festuar mbarë botën, dhe postimi i ish-futbollistit të njohur ishte një moment i veçantë për të ndarë dashurinë dhe mirënjohjen për rolin e tij si baba.

Flaka