Flaka thumbon: Qeveria e VMRO-së: Komb i vetëm maqedonas – Fetai: Qeveri reformatore

Në një realitet ku edhe patatet janë të pasigurta në treg, Arben Fetai ka arritur të shohë diçka që askush tjetër nuk e sheh: një qeveri “reformatore” në udhëheqje të Hristijan Mickoskit.

Gjatë një daljeje në Kumanovë, Fetai foli për “marrëveshje historike” dhe një hua 6 miliardë euro që – sipas tij – do ta transformojë vendin. Disa të pranishëm pyetën nëse kjo “transformim” do të ndodhë në Maqedoni apo në një galaktikë tjetër.

Programi zgjedhor i VMRO-DPMNE-së, i cili synon “rregullimin e marrëdhënieve ndëretnike sipas parimit të një kombi të vetëm maqedonas”, është përshëndetur nga Fetai si një shembull bashkëjetese multietnike në stilin… mononacional. “Kjo nuk është asimilim, kjo është inovacion!”, tha ai, duke shpikur një koncept të ri: reformë me fshirje kulturore.

Burime të pakonfirmuara thonë se Fetai po punon në një fjalor të ri politik ku “reformë” do të përkufizohet si: çdo veprim që askush nuk e kupton, por që tingëllon mirë në mikrofon.

Në fund, Fetai premtoi se me këtë hua 6 miliardëshe, qytetarët do të ndihen më të pasur – të paktën në borxh.

“Lajmi që s’na duhej” është rubrikë satirike. Çdo ngjashmëri me realitetin është më shumë reale se satirike. Qëndrimet janë të autorit, jo të redaksisë – të paktën deri në emërimet e reja.”

(Çdo ngjashmëri me realitetin është më shumë reale se satirike. Qëndrimet janë të autorit, jo të redaksisë – të paktën deri në emërimet e reja) Flaka Media