Barcelona në rrugën e stabilitetit financiar: Vlerësimi kreditor shkon në “pozitiv”

Barcelona ka marrë një vlerësim të përmirësuar kreditor nga agjencia “Morningstar DBRS”, duke kaluar nga “i qëndrueshëm” në “pozitiv”, një sinjal i qartë për stabilizimin financiar të klubit. Ky ndryshim reflekton performancën e përmirësuar ekonomike të skuadrës gjatë dy sezoneve të fundit dhe pritshmëritë optimiste për të ardhmen.

Një faktor kyç në këtë progres është rikthimi i klubit në stadiumin e tij të rinovuar, “Spotify Camp Nou”, në gusht të vitit 2025, si dhe reduktimi i kostove të operimit, të mbikëqyrura nga UEFA dhe La Liga. Me këtë strategji, Barcelona pritet të gjenerojë fluks pozitiv të lirë parash dhe të ulë borxhet.

Në vitin 2023, klubi lëshoi 1.5 miliardë euro borxh për ndërtimin e stadiumit të ri, por sipas raportit të “Morningstar DBRS”, ky investim është nën kontroll dhe rikthimi i ekipit në shtëpi pritet të rrisë të ardhurat ndjeshëm. Klubi ka arritur të ulë kostot e skuadrës dhe të gjenerojë një “EBITDA” pozitiv për herë të parë pas katër sezonesh.

Parashikimet tregojnë se të ardhurat mund të arrijnë në 1.1 miliardë euro deri në vitin 2027, ndërsa raporti i kostos së skuadrës pritet të stabilizohet në 55% gjatë viteve 2025-2029. Me këtë bazë financiare të shëndetshme, Barcelona synon një të ardhme më të fortë dhe më konkurruese.

Flaka