VLEN: Investim historik prej 6.74 milionë dollarësh për mjedisin

Botuar nga Flaka 18 Qershor, 2025 12:09

Ndryshimet klimatike nuk presin, dhe as VLEN. Në një hap të rëndësishëm drejt mbrojtjes së natyrës dhe zhvillimit të qëndrueshëm, Ministria e Mjedisit Jetësor dhe Planifikimit Hapësinor, e udhëhequr nga Izet Mexhiti, ka arritur të sigurojë një marrëveshje të re bashkëpunimi me Programin e Kombeve të Bashkuara për Zhvillim (UNDP), në kuadër të fazës së 8-të të projekteve të GEF (Global Environment Facility), me një buxhet të përgjithshëm prej 6.74 milionë dollarësh amerikanë.

“Ky është një investim historik për vendin tonë dhe një sinjal i qartë se nuk do të rrijmë duarkryq përballë sfidave klimatike,” deklaroi ministri Izet Mexhiti.

Fondi është i strukturuar në mënyrë strategjike:

1 milion dollarë për menaxhimin e ndikimeve nga ndryshimet klimatike,
3 milionë dollarë për mbrojtjen e biodiversitetit,
2.74 milionë dollarë për rehabilitimin e tokave të dëmtuara dhe ndalimin e shpyllëzimit.

“Kur ka vullnet politik dhe vizion të qartë, premtimet shndërrohen në projekte konkrete dhe rezultatet janë të prekshme. UNDP ka qenë dhe mbetet një partner i besueshëm dhe afatgjatë në këtë rrugëtim,” theksoi Mexhiti.

Ky është vetëm fillimi i një serie projektesh të reja që synojnë të vendosin mjedisin dhe të ardhmen e gjelbër në qendër të politikave shtetërore.

“Koha për të vepruar nuk është nesër. Është sot,” përfundoi ministri.

VLEN, në këtë frymë të re politike, tregon se e ardhmja e qëndrueshme ndërtohet me punë konkrete, ide të guximshme dhe rezultate që flasin vetë. Flaka Media

Botuar nga Flaka 18 Qershor, 2025 12:09

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media.