BDI: Modeli i Ri – Si po përdoren partitë shqiptare në qeveri për të çmontuar barazinë!

Botuar nga Flaka 30 Qershor, 2025 08:14

Bashkimi Demokratik për Integrim (BDI) ka reaguar me shqetësim ndaj, siç e quan, “fushatës së orkestruar dhe të porositur” kundër procesit të regjistrimit të popullsisë, duke akuzuar VLEN-in si instrument në duart e VMRO-DPMNE-së dhe ZNAM-it, për realizimin e një skenari të rrezikshëm që synon të rrënojë themelet e shtetit multietnik.

“Kjo strategji është trishtuese dhe e paprecedentë në historinë e pluralizmit në vend,” – thuhet në reagimin e BDI-së.

Sipas partisë, është hera e parë që partitë maqedonase po përdorin partitë shqiptare si ‘mashë’ politike për të përgatitur terrenin për ndërhyrje institucionale që dëmtojnë drejtpërdrejt të drejtat e shqiptarëve.

Model i rrezikshëm që po përsëritet

Në kumtesën zyrtare, BDI përshkruan një model veprimi që tashmë është bërë rregull:

Fillimisht, parti të vogla shqiptare relativizojnë ose kritikojnë një shtyllë të Marrëveshjes së Ohrit;
Më pas, VMRO-DPMNE dhe aleatët e saj e përdorin këtë si bazë për sulm politik dhe institucional.

“Kështu ndodhi me Balancuesin: u quajt me ‘defekte’, pastaj u shfuqizua.
Kështu ndodhi me gjuhën shqipe: u përkufizua si ‘gjuhë e përkthyer’, dhe më pas u sulmua ligji,” – përkujton BDI.

Tani, sipas tyre, është vënë në shënjestër procesi i regjistrimit të popullsisë. Sipas BDI-së, krijimi i narrativës se regjistrimi ka qenë i manipuluar, ka për qëllim delegjitimimin e të dhënave zyrtare dhe hapjen e rrugës për ndërhyrje të reja nga VMRO dhe ZNAM.

Thirrje për vetëdijësim dhe rezistencë qytetare

BDI u bën thirrje qytetarëve shqiptarë dhe gjithë aktorëve të përgjegjshëm në vend që të kuptojnë rrezikun e këtij modeli të ri politik që, siç thuhet në deklaratë, “prodhon ndasi, mohim dhe tension”.

“BDI do të qëndrojë në mbrojtje të barazisë, të drejtës për përfaqësim dhe të vlerave që buruan nga Marrëveshja e Ohrit, dokument që garanton paqen,” – thekson më tej partia.

Në përfundim, BDI denoncon këtë strategji të mirëkoordinuar si sulm të drejtpërdrejtë ndaj barazisë etnike, demokracisë funksionale dhe marrëdhënieve ndëretnike në vend. Flaka

Botuar nga Flaka 30 Qershor, 2025 08:14

Shënim: Disa imazhe gjenden nga interneti, që konsiderohen të jenë në domenin publik. Nëse dikush pretendon pronësinë, ne do të citojmë autorin, ose, sipas kërkesës, do të heqim menjëherë imazhin.

Marrja e paautorizuar e teksteve dhe videove me të drejtë autoriale ose ndonjë përmbajtje të ngjashme pa pëlqimin paraprak me shkrim të Flaka Media do të konsiderohet shkelje e të drejtave autoriale dhe për këtë Flaka e ruan të drejtën të kërkojë kompensim përkatës monetar.Mosrespektimi dhe abuzimi i të drejtave autoriale dhe të drejtave simotër dënohet me ligj.Çdo marrje e paautorizuar, shfrytëzim, përdorim apo publikim i tekstit, fotografitë ose videot apo çfarëdo përmbajtje tjetër e ngjashme që paraqet pronësi të Flaka Media, pa pëlqim paraprak me shkrim nga redaksua, ndalohet rreptësisht dhe për të njëjtën paguhet kompensim përkatës financiar, për çka pronari ka të drejtë të nis procedurë përkatëse.Në rast të marrjes së teksteve autoriale dhe videove apo çfarëdo përmbajtje tjetër, në mënyrë të obligueshme nevojitet pëlqim paraprak nga Flaka Media dhe vendosje të linkut që do të çojë deri në web faqen e Flaka Media.